San Lucas 1:69 - Bible in Tzeltal de Oxchuc y Tenejapa

⁶⁹ La sticunbotic Jcoltaywanej te bayal yu'ele, te ja' sts'umbal David te abat yu'une.

Nuevo Testamento Tzeltal de Amatenango

⁶⁹ La stikombotik tal jkoltawane te ay spodere te jaꞌ stsꞌumbal te jDavid te yaj-aꞌtele.

Bible in Tzeltal Bachajón

⁶⁹ Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

San Lucas 1:69 Referans Kwoze

Salmos 18:2

Ja'at Cajwal, jcanantaywanejat, anjibalat cu'un, ja'at la awac'on ta libre atuquel. Diosat cu'un, ja'at nac'jibal tonat, ja' majq'uilat, Cajwal, ya acoltayon ta awu'el. Mero toyol nac'jibalat cu'un.

Ezequiel 29:21

“Ja' me yorail ya cac' esmajuc yip te lum Israele. Ja'at Ezequiel, ya me xju' ya awalbey yaiyic ta jamal. Jich me ya sna'ic a te jo'on Ajwalilon —xi'.

2 Samuel 22:3

Diosat cu'un, ja'at nac'jibal tonat, ja' majq'uilat Cajwal, ya acoltayon ta awu'el. Mero toyol nac'jibalat cu'un, mero toyol anjibalat, Jcoltaywanejat cu'un atuquel. La acoltayon, ma ba c'ot ta jwenta te tulan uts'inele.

1 Samuel 2:10

Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

Salmos 89:17

Ta mero melel ja'at te yipinejat te lum soc te yich'ojbat te at'ujbilale; te quiptic ya x'esmaj ta swenta te yutsil awo'tane.

1 Samuel 2:1

Te Ana la sc'opon Dios, jich la yalbey: —Cajwal, mero bin nax co'tan ta atojol, melel ja'at ya awac'bon xan yip co'tan. Ya xju'ix ya xc'opojon ta stojol te controetic cu'une, melel ja'at la acoltayonix. Mero bin nax co'tan yu'un.

San Marcos 11:10

¡Bin nax yutsil te Muc' Ajwalil te sts'umbal te namey q'uinal jtatic Davide! ¡Jelawen yutsil te Mach'a ay ta ch'ulchan! —xiic ta aw.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

San Mateo 1:1

Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.

Salmos 89:3

La apas trato ta stojol te David, jc'axel jich la awalbey te tsabil abat awu'une:

1 Reyes 11:13

Ja'uc me to ma spisiluc ya jpojbey yat'el ta stojol te israeletic; ya quijq'uitay jchajp nax sts'umbal Israel, ta scaj xc'uxul ta co'tan te atat soc te Jerusalén te lum stsabil cu'une —xi' sc'oplal.

2 Samuel 7:26

Ac'a ich'otuc ta muc' ta sbajt'el q'uinal te abiile, soc yacuc yich' alel te ja' Dios yu'un Israel stuquel te Ajwalil te Spisil ya xju' yu'une. Te at'el ta muc' ajwalil te ya xc'ot ta swenta te jts'umbal, stalel me ya xjil ta swenta bit'il ya acoltay.

Jeremías 30:9

Ya me yac' sba ta abatinel ta jtojol te Yajwalon soc te Dioson yu'une, soc ta stojol David, te ja' ya cac' ta muc' ajwalil yu'unic stuquele.