San Lucas 1:64 - Bible in Tzeltal de Oxchuc y Tenejapa

⁶⁴ C'alal laj yo'tan ta sts'ibuyel, jam sti' ta ora. Jajch' ta c'op ta yalel te bit'il jelawen yutsil te Diose.

Nuevo Testamento Tzeltal de Amatenango

⁶⁴ Te kꞌalal laj yoꞌtan ta stsꞌibayele te Zacariase, jam stiꞌ. Lijk yalbe kola yal te Diose.

Bible in Tzeltal Bachajón

⁶⁴ Ora jahm ye soc tojob yac' te Zacarías, hahch yalbe bayel yutsil te Diose.

San Lucas 1:64 Referans Kwoze

San Lucas 1:20

Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

Ezequiel 33:22

Ajc'ubey te c'ot ta jtojol te winique, te Cajwaltic la scajanbon sc'ab ta jol. Ta sab, te c'alal tal te winique, la yac' c'opojucon, jich ma uma'uconix.

Salmos 51:15

Cajwal, jambon que, yu'un jich me ya jc'ajintayat ta yalel yutsil ac'oplal.

San Mateo 9:33

Te c'alal la sloq'uesbey te pucuje, jajch' ta c'op ta ora te winique. Te ants-winiquetique bayal la yaan yo'tanic yu'un. Jich la yalic: —Xujt' ma'yuc bay quilojtic jich ta sq'uinal Israel in to —xiic yu'un.

Ezequiel 3:27

Pero teme ay bi ya jc'an ya calbate, ya cac' xc'opojat, jich me ya awalbey ta stojolic: “Jich ya yal te Cajwaltique”, xaat me ta stojolic. Te mach'a ya sc'an ya yaiy stojole, ac'a yaiy; pero te mach'a ma sc'an ya yaiy stojole, ma me xyaiy stojol. Melel mero tulan yo'tan ya yac' sba te lume —xi' te Cajwaltique.

Isaías 12:1

Te bi c'aalil ya xc'ot ta pasele, jich me ya awal: —Ya calbat wocol, Cajwal; manchuc me ilinat cu'une, te awilimbae c'axix bael, la awac' sujt'uquix lamal q'uinal ta jtojol.

Ezequiel 29:21

“Ja' me yorail ya cac' esmajuc yip te lum Israele. Ja'at Ezequiel, ya me xju' ya awalbey yaiyic ta jamal. Jich me ya sna'ic a te jo'on Ajwalilon —xi'.

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.