San Lucas 1:59 - Bible in Tzeltal de Oxchuc y Tenejapa

⁵⁹ Ta xwaxaquebal c'aal a tal yilic te ya yich' circuncisión ta sbaq'uetal te alale. C'an yac'beyic sjelolin te state, ja' te Zacariase.

Nuevo Testamento Tzeltal de Amatenango

⁵⁹ Waxkebix kꞌaal a la yikꞌik bael ta yichꞌel sirkunsision ta stiꞌbalul te chꞌin kereme. Kꞌan yaꞌbeyik sjelolin sbiil te state, jaꞌ te Zacariase.

Bible in Tzeltal Bachajón

⁵⁹ Ta swaxaquebal c'ahc'al yayinel a, tal ya'beyic yich' circuncisión, soc c'an ya'be sbihilin Zacarías, hich te bin ut'il sbihil te state;

San Lucas 1:59 Referans Kwoze

Levítico 12:3

Te alal ya me yich' circuncisión te c'alal ya sta waxaqueb c'aal yayinele.

Génesis 17:12

Ta swaxaquebal c'aal yayinel a, ya me yich' circuncisión spisil alalquerem awu'unic ta cajalcaj ats'umbalic, soc me te mach'a ya x'ayin ta ana, soc mach'a manbil tel ta yan lumetic ta ataq'uin te ma ats'umbaluque.

Filipenses 3:5

Melel te jo'one ta swaxaquebal c'aal cayinel a te la quich' ta jbaq'uetal te circuncisione, mero israel-winicon, sts'umbalon te Benjamine, mero hebreo-winicon, fariseoon yu'un te mandalile.

San Lucas 2:21

Ta waxaquebal c'aal yayinel a te alale, la spasbeyic circuncisión ta sbaq'uetal. Jesús sbiil c'ot yu'unic, jich nix te bit'il albot yu'un ch'ul abat te María te c'alal ma to yic'ojuc a te alale.

Hechos 7:8

Te Diose la spas trato soc te Abrahame te ja' seña c'ot te circuncisione. Jich te Abraham te c'alal ayin te snich'ane, ja' te Isaaque, ta swaxaquebal c'aal yayinel a te la yac'bey yich' te circuncisione. Jich uuc te Isaaque la yac'bey yich' circuncisión te snich'ane, ja' te Jacobe. Soc jich nix uuc te Jacobe la yac'bey yich' circuncisión te snich'nabe, ja' te lajchaytul antiguo tatiletic cu'untique.