San Lucas 1:53 - Bible in Tzeltal de Oxchuc y Tenejapa

⁵³ Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

Nuevo Testamento Tzeltal de Amatenango

⁵³ Te machꞌatik ayik ta wiꞌnale la snojesbeyix xchꞌujtꞌik ta lekil weꞌelil. Yan te machꞌatik jkꞌulejetike maꞌyukix tutiꞌ yaꞌbe bael ta skꞌab.

Bible in Tzeltal Bachajón

⁵³ Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

San Lucas 1:53 Referans Kwoze

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

Salmos 34:10

Te jc'ulejetic ya me xc'atp'ujic ta me'ba, soc ya me xwoclajic yu'un wi'nal; yan te mach'atic ya sle te Cajwaltic, spisil bila lec, ay me yu'unic stuquel.

San Lucas 6:24

“Yan te ja'ex te jc'ulejexe ¡ya me awil awocolic, melel muc'ubenix q'uinal ya awaiyic atuquelic!

San Mateo 5:6

“Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

1 Corintios 1:26

Quermanotac, ya me sc'an ya ana'ic te Dios la yiq'uexix ta stojol manchuc teme ma ba tsobolex te ay ap'ijilic ta swenta te balumilale, soc ma tsoboluquex te muc' c'oemexe, soc ma tsoboluquex te ich'bilex ta muq'ue.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

1 Samuel 2:5

Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

1 Corintios 4:8

Ma'yuquix falta ya awaiyic, jc'ulejexix. Acuyoj abaic ta muc' ajwalil. Ju'ix awu'unic te ja'exe; in te jo'otique, la awijq'uitayotiquix jilel. Co'tanuc te ochemuquex ta ajwalil ta melel, swenta yu'un jich me ya xju' ya joinex ta ajwalil uuc.

Ezequiel 34:29

Ya me cac'bey buen lec sq'uinalic, ma me ayuquix bi ora ya yaiyic wocol yu'un wi'nal, soc ma me ayuquix bi ora ya xlabanotiquix yu'un te yantic nacionetique.

Salmos 146:7

Ya xchajban te mach'atic ay ta uts'inel; ya yac'bey swe'elic te mach'atic ay ta wi'nale. Te Cajwaltic ya yac' ta libre te mach'atic chuculic;

San Lucas 1:54

Tal scoltay te lum Israel te abat yu'une; Ma ba ch'ay ta yo'tan te ya xc'uxtaye,