San Lucas 1:51 - Bible in Tzeltal de Oxchuc y Tenejapa

⁵¹ Mero muc' te bila spasoj ta swenta te yu'ele: La spuquix bael te mach'atic stoyoj sbaique soc te ay bila snopoj ta yo'tanique.

Nuevo Testamento Tzeltal de Amatenango

⁵¹ Yuꞌun mukꞌ te tut spasoj ta spodere. La sjimbeyix te tut snopoj te machꞌatik te ya stoy sbaik ta yoꞌtanike.

Bible in Tzeltal Bachajón

⁵¹ Bayel bintic muc' spasticlanej ta sc'ab; la spucticlan bahel te mach'atic stoyoj sbahic yu'un te bin snopoj ta yo'tanic.

San Lucas 1:51 Referans Kwoze

Salmos 98:1

C'ajintayaic Cajwaltic ta yach'il c'ayoj, yu'un jchajp nax a te yat'el spasoje; la yaiyix tsalaw ta smuc'ul yu'el soc te xch'ul-c'abe.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,

Isaías 40:10

Ya me xjulix tel soc yu'el te Cajwaltic, ya me xmandalaj ta stojol spisil soc te yip sc'abe. Ya yic' tel te lum yu'un te c'alal la sloq'uesix tele.

Salmos 118:15

Ta snaic te winiquetic jun yo'tanic ta stojol, bin nax me yo'tanic ta sc'ajintayel te tsalawe: “Ta yu'el Cajwaltic la sta te tsalawe.

Salmos 89:10

La anet' te chambalam te mero xiweltic sba smuc'ul ta ja', jich bit'il winic te lajeme; ta swenta yip ac'ab atuquel, la apuc bael te acontrotaque.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Apocalipsis 18:8

Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

2 Corintios 10:5

Jich ya jlajinbeytic sc'oplal a te bila nopjibal yu'un te yantique, spisil jtoybaetic te ya scontroinic te bila ay ta na'el yu'un te Diose. Spisil nopjibal yu'un te ch'ich'-baq'uete, ya me cac'beytic xch'uunic te Cristoe.

Salmos 89:13

Te ac'ab spisil ya xju' yu'un; te swa'el ac'ab mero tulan soc yaiyoj tsalaw.

Salmos 63:5

Mero bayal me yutsil co'tan ya xjilon, jich bit'il mach'a la yaiybey sbujts' we'elil ta tsoblej te buen bujts'ane. Bayal me yutsil q'uinal ya caiy a, ya calbat yutsil ac'oplal yu'un.

Salmos 52:9

Dios cu'un, spisil me ora ya calbat wocol ta atojol yu'un te jich apasoje; ya me jmaliyat ta yolil te mach'atic jun yo'tanic ta atojole, melel mero lec awo'tan atuquel.

Salmos 33:10

Te Cajwaltic ya stup'bey ta jc'axel te bila xchapoj te lumetic te ma'yuquic ta stojol Dios;

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Génesis 11:8

Jich la spuc bael te ants-winiquetic ta spamal balumilal te Cajwaltique. Quejch'aj ta pasel yu'unic te muc'ul lum te c'an spasique.

Jeremías 49:15

Ya me cac' te ch'in lum ya xc'oat yu'un te lumetique; mero c'ax ilaybil me ya xc'oat yu'un te winiquetique.