San Lucas 1:17 - Bible in Tzeltal de Oxchuc y Tenejapa

¹⁷ Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

Nuevo Testamento Tzeltal de Amatenango

¹⁷ Te Juane ya me xnalaj ta yalel skꞌoplal te Kajwaltike. Jich me yoꞌtan te tutꞌil te jꞌElias te antibo jꞌalwaneje, y pajal me yaꞌtel sok. Ya me yakꞌ jelonuk xkuxlejalik te meꞌil-tatiletike sok te yuntikilike, sok ya me yaꞌbe snopik xchꞌuunel mantal te jkꞌaxintayej-mantaliletike. Jich me chapalix yoꞌtanik a te jtejklume te ya smaliyik a te Kajwaltike —xchi te chꞌul ángele.

Bible in Tzeltal Bachajón

¹⁷ Ha ya xnahilij bahel ta stojol Dios ta scuenta te espíritu soc te yip te Elías, yu'un ya yac' suhtuc yo'tanic te me'iltatiletic ta stojol te yal-snich'anic, soc te jc'axun-c'opetic ta stojol te p'ijil-o'tanil yu'un te mach'atic toj yo'tanic, scuenta yu'un ya schahpambe te Cajwaltic jun pueblo te chapale, xchi sc'oblal.

San Lucas 1:17 Referans Kwoze

San Mateo 11:14

Soc te yacuc xc'ot ta awo'tanic te ja'exe, te Elías te jtul j'alwanej yu'un Dios te maliybil ya xtale, ja'ix te Juane.

San Lucas 1:76

In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Juan 3:28

Te jo'one la calbeyex ta jamal te ma jo'ocon te Cristoe. Ja' nax quich'oj tel neeltesel yu'un.

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

1 Crónicas 29:18

Cajwal, Diosat yu'un Abraham, Isaac soc Israel, ja' te antiguo jwolwanejetic cu'untique, canantaya te toyoluc me yo'tanic spisil ora ta atojol te lum awu'une, soc ac'beya sna'at ta yo'tanic spisil ora.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.

Salmos 111:10

Ja' smuc'ul sp'ijil co'tantic Ja' te ya quich'tic ta muc' te Diose; te mach'atic ya yich'ic ta muc', ya x'ac'bot sp'ijil yo'tanic yu'un. Te Diose ay ta alel yutsil sc'oplal sbajt'el q'uinal.

2 Timoteo 2:21

Jich yu'un teme ay mach'a la yutstes xan sba ta leque, t'ujbil me ya xc'ot. Jich yu'un ch'ultesbil me ya xc'ot yu'un te Cajwaltique, jich me chapal ya xc'ot yu'un spasel spisil te lequil at'elile.

Isaías 29:24

Te mach'atic jowejem q'uinal ya yaiyique, ya me snopic te p'ij ya xc'otique; te mach'atic ya scontroinonic ta c'ope ya me stsac yo'tanic te p'ijubtesel cu'une —xi' te Cajwaltique.

Romanos 9:23

Soc la sc'an yo'tan te ya xpujc' sc'oplal te yutsilal te ay xojobile, soc jich la yac' ta ilel te yutsil xc'uxul yo'tane, te namey chajbanbil yu'un te ya quich'beytic te yutsilale.

Hechos 10:33

Jich la jticunat ta iq'uel ta ora nax. Bin nax co'tan yu'un te talatixe. Jich yu'un ta ora to, jpisiltic li' ayotic to ta stojol te Diose, yu'un ya jc'an caiytic stojol spisil te bila yalojbatix tel ta mandal te Diose —xi' te Cornelioe.

San Juan 1:34

Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

San Juan 1:13

Ma ta swentauc sc'anjel yo'tan ch'ich'-baq'uet te ayinique, soc ma ta swentauc sc'anjel yo'tan winic; ja' ta swenta sc'anjel yo'tan Dios te ayinique.

San Lucas 1:16

Ja' ta swenta te ay bayal alnich'anetic yu'un Israel te ya sujt'es yo'tanic ta stojol te Cajwaltic te Dios yu'unique.

San Mateo 14:4

Melel te Juane jich la yalbey te Herodese: —Ma lecuc te awic'oj awinamin te antse, —te la yute.

Amós 4:12

—Jich yu'un, Israel, jich nix me ya jpasbat te ja'ate; te bit'il jich jnopoje, chajbana aba te ya ata aba soc te Dios awu'une —xi'.

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

2 Crónicas 29:36

Te muc' ajwalil Ezequías soc spisil te lume, bin nax yo'tanic yu'un te bit'il coltayotic yu'un te Diose, melel ora nax c'ot bael ta pasel.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

San Mateo 3:4

Te sc'u' te Juane pasbil ta stsotsil camello, soc xchucoj xch'ujt' ta nujc'ul. Ja' la swe'elin te c'ulub soc aja-chab.

2 Reyes 1:16

Jich c'o yalbey: —Jich ya yalbat te Cajwaltic: “Te bit'il la aticun abatetic awu'un te ba sjojc'obeyic Baal-zebub te lotil dios yu'un te lum Ecrón, jich c'ot awu'un te bit'il ma'yuc Dios ta sq'uinal Israel te ya xju' ya ajojc'obeye. Ja' yu'un ma ba ya xjajch'atix ta awayib, ya me xlajatix”, xi' te Cajwaltic —la yut.

1 Reyes 18:18

La sjac' te Elías: —Te jo'on ma ja'uc ya cac'bey swocol Israel; ja'at soc te mach'atic ay awu'un te ya awac'bey swocol te Israele. Melel la ach'ay ta awo'tanic te mandaliletic yu'un te Cajwaltic, ja' bajt' ta awo'tan xch'uunel te loc'ombaetic yu'un Baal.

1 Samuel 7:5

Patil te Samuel la yal mandal: —Ya me jtsob jbajtic te jayeb israelotic ta Mizpa, yu'un ya me jc'oponbeyex Dios tey a —xi'.

San Mateo 3:3

Te j'alwanej yu'un Dios te Isaías sbiile, la sts'ibubey jilel sc'oplal te Juane: “Ya me xchicnaj aw ta jochol taquin q'uinal, te jich ya yale: ‘Chajbanbeyaic me sbe te Cajwaltique, toj me xajamic bael te sbee’ xi' me”, te xie.