San Lucas 1:15 - Bible in Tzeltal de Oxchuc y Tenejapa

¹⁵ Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

Nuevo Testamento Tzeltal de Amatenango

¹⁵ Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

Bible in Tzeltal Bachajón

¹⁵ como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Lucas 1:15 Referans Kwoze

Jeremías 1:5

—C'alal ma to ayucat ta xch'ujt' ame' a, tsabilatix cu'un a; c'alal ma to x'ayinat a, na'bilatix cu'un a, te ya cac'at ta j'alwanej yu'un te nacionetique —la yuton.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Gálatas 1:15

Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Hechos 2:4

Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

San Lucas 7:33

Melel te c'alal tal te Juan J'ac'-ich'ja'e, ma ba we' ta lec soc ma la yuch' vino. “Ay pucuj ta yo'tan”, xaex yu'un.

Josué 4:14

Ja' jich c'aal a te jajch' ta muc'ubel sc'oplal yu'un Cajwaltic te Josué, jich jajch' yich'ic ta muc' spisil te israeletic, jich bit'il la yich'ic ta muc' Moisés te jayeb c'aal cuxine.

San Lucas 7:28

Ya calbeyex te ma'yuc jtuluc winic ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel ya yac' sba ta yajwalinel te Diose, ja' me cajal xc'ot yu'un te Juane —xi' te Jesuse.

1 Crónicas 17:8

La joinat te bayuc nax a baat. Tubenix cu'un te jayeb acontro te la anujp'usitay aba soque. Pujq'uemix ac'oplal cu'un, jich bit'il mach'a bayal sc'oplal ta yo'tan winiquetic ta balumilal.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Zacarías 9:15

Te Cajwaltic te Spisil ya xju' yu'un, ya me scanantay te mach'atic ay yu'une. Ja'ic me ya spech'ic ta teq'uel te j'ac'jimoch'etic soc te tonetic yu'un jimochile; soc ya me sbiq'uic c'oem te scontroique. Ya me yuch'beyic xch'ich'el jichuc vino, ya me snojes xch'ujt'ic a jich te bit'il ya yich' nojesel muc'ul taza, ya me yuch'ic jich te bit'il xulubil yu'un te scajtijib smajt'an te Diose.

Salmos 22:9

Ja'uc me to, ja'at la awac' yalatayon te jme'e; la awac'bon jcux co'tan ta xchu' te jme'e.

1 Crónicas 29:12

Tey ya xloc' tel ta atojol te jc'ulejaltic soc te cutsilaltique. Ja'at atuquel ya awal mandal. Te awip soc te awu'ele, ay ta ac'ab. Ay ta awenta atuquel te mach'a ya awac' ta ich'el ta muc', soc te ya awac'bey yu'ele.

Génesis 48:19

Ja'uc me to, ma la sc'an te state, jich la yalbey te José: —Ya jna' stojol, jnich'an, ya jna' stojol. Ya x'esmaj soc sts'umbal uuc, soc muc' ya xc'ot ta loq'uel. Ja'uc me to, ja' c'ax jich ya xc'ot stuquel te yijts'ine, soc bayal ta jchajp nación ya xloc' a te sts'umbale —xi' sc'oplal yu'un.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

Jeremías 35:6

La sjaq'uic: —Te jo'otic ma ba ya cuch'tic vino, melel te Jonadab snich'an Recab, te antiguo jme'-jtatique, tulan mandal la yalbotic te ma ba ya cuch'tic vino jo'otic, soc te jts'umbaltique.

San Lucas 1:14

Ya me xbujts'naj awo'tan yu'un. Soc tsobol ta jtul ya xbujts'naj yo'tanic yu'un te c'alal ay to ta xch'ujt' a te sme'e.