Levítico 9:23 - Bible in Tzeltal de Oxchuc y Tenejapa

²³ Te Moisés soc Aarón ochic bael ta Nailpac' te banti ya yich' c'oponel te Cajwaltique. C'alal loq'uic, la sc'anbeyic bendición ta stojolic te israeletique. Jich te Cajwaltic la yac' sba ta ilel soc muc' xojobil ta stojol te lume:

Bible in Tzeltal Bachajón

²³ Te Moisés soc Aarón ochic bahel ta Nahilpac' Templo yu'un tahojibal. C'alal loq'uic tal, la ya'beyic bendición te pueblo; hich chicnaj te yutsilal Jehová ta stojol te pueblo.

Levítico 9:23 Referans Kwoze

Levítico 9:6

Te Moisés jich la yal: —Ja' te bila yaloj Cajwaltic, pasaic, jich me ya yac' sba ta ilel ta atojolic soc smuc'ul yutsil xojobil —xi'.

Números 16:19

Te Coré stsoboj spisil te lum ta stojol te Nailpac' ta scontroinel te Moisés soc te Aarón. Te yutsil xojobil te Cajwaltic chicnaj ta stojol spisil te lume.

Números 16:42

Ta spisilic xch'inlajanic ta sjoytayel te Moisés soc te Aarón, ja'uc me to la stojlinic bael ta ilel te Nailpac' te bay ya yich' c'oponel te Cajwaltique. Ta ora nax tal ta axintesel ta tocal soc chicnaj tey a te yutsil xojobil te Cajwaltique.

Números 14:10

Te c'alal jich yacal ta yalel a, te lum ya c'an xch'ojic ta ton. Jich yu'un te yutsil xojobil te Cajwaltic chicnaj ta sitic ta spisilic te israeletic ta Nailpac' te bay ya yich' c'oponele.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

2 Crónicas 7:1

C'alal laj yo'tan ta sc'oponel Dios te Salomón, co tel c'ajc' ta ch'ulchan. Laj ta c'ajq'uel ta scojt'ol te milbil majt'anil, soc lajic ta c'ajq'uel te yantic milbil majt'anile. Te yutsil xojobil Dios noj ta templo.

Éxodo 16:10

Te bit'il jajch' ta c'op Aarón ta stojol spisil te israeletique, la yilic bael ta jochol taquin q'uinal. La yilic te xojobil yutsilal Cajwaltic te la yac' chicnajuc ta tocale.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.