Levítico 9:22 - Bible in Tzeltal de Oxchuc y Tenejapa

²² Te Aarón la stoy sc'ab, la sc'anbey bendición ta stojol te slumal Israele. Te c'alal laj yo'tan ta yaq'uel te milbil majt'anil yu'un te mulile, soc te majt'anil te scojt'ol ya yich' chiq'uele, soc milbil majt'anil swenta te lamal-o'tanile, la yijq'uitay jilel ta scajtijib majt'anil te Aarone.

Bible in Tzeltal Bachajón

²² Patil te Aarón la stoy sc'ab ta stojol te pueblo, la ya'be bendición. Te c'alal laj yac'bel a te mahtanil yu'un mulil, te scohtol chic'bil mahtanil soc te milbil mahtanil scuenta lamal q'uinal, co tal te Aarón.

Levítico 9:22 Referans Kwoze

San Lucas 24:50

Te Jesús la yic' bael te jnopojeletic yu'une. La yijq'uitayic jilel te muc'ul lume. Bajt'ic ta bay nopol ch'in lum Betania. Tey la stoy xchebal sc'ab a la yac'bey bendición te jnopojeletique.

Deuteronomio 21:5

“Te sacerdote-levitaetic ya me xnoptsajic tel, melel ja'ic te tsabilic yu'un te Cajwaltic, te yu'un ja'ic ya xc'ot ta swentaic te at'el yu'un yich'el ta muc' te Cajwaltique. Spisil tsactomba o jach-c'op, ja' me slajibal ya xc'ot te bila ya yalbeyic sc'oplal stuquele.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

2 Corintios 13:14

Ich'aic te yutsil yo'tan te Cajwaltic Jesucristoe, soc te xc'uxul yo'tan te Diose, soc ja' me ac'a sjoinex spisil ora ta apisilic te Ch'ul Espiritue. Jichuc.

Hechos 3:26

Te Dios la stsa te Yabate, soc la sticun tel ta atojolic, Dios la xcha'cuxes tel swenta yu'un ya yac'botic te bendicione, ja' te ya yac'botic quijq'uitaytic spasel te bila amene —xi' te Pedroe.

San Marcos 10:16

La spet te alaletique. La scajanbey sc'ab ta sjolic, soc la yac'bey bendición ta spisilic.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

2 Crónicas 6:3

Te muc' ajwalil la sujt'es sba ta stojol te lum Israel te tec'ajtique, la sc'anbey bendición ta stojolic.

1 Crónicas 23:13

Te snich'nab Amram, ja'ic te Aarón soc Moisés. Te Aarón ja' tsaot yu'un Dios te ya swentain yaq'uel ch'ul majt'aniletic, te ya xchic' pom ta stojol te Cajwaltic, te ya x'abatinot yu'une, soc te ya sc'anbey bendición ta stojol te israeletic ta spisil ora. Ja' te at'el te ya swentain sbajt'el q'uinal te Aarón soc te sts'umbale.

1 Reyes 8:55

la stejc'an sba, la sc'anbey bendición ta spisil te israeletic, jich la yal ta tulan:

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

Números 6:22

Te Cajwaltic la sc'opon Moisés, jich la yalbey: