Levítico 9:18 - Bible in Tzeltal de Oxchuc y Tenejapa

¹⁸ Te Aarón la sbojbey snuc' te wacax soc te tat chij te la yaq'uic te israeletic yu'un milbil majt'anil swenta te lamal-o'tanile. Te snich'nab Aarón la yac'beyic te xch'ich'ele. Jich te Aarón la stsijts'anbey ta sjoyobal ta spat te scajtijib ta chiq'uel majt'anile.

Bible in Tzeltal Bachajón

¹⁸ Soc la smil te toro soc te tat tuminchij te la yaq'uic te pueblo yu'un milbil mahtanil scuenta lamal q'uinal. Te snich'nab Aarón la ya'beyic te ch'ich', te Aarón la stsihtsin ta sjoyobal ta sba te scajtajib ta chiq'uel mahtanil.

Levítico 9:18 Referans Kwoze

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

Romanos 5:10

Melel te bit'il contro quiloj jbatic soc te Diose, jich la yac' junajuc co'tan jbatic soc ta swenta bit'il laj te Snich'ane. In te bit'il junajemix co'tan jbatic soque, jich me c'axem to xan ya xcolotic ta swenta te bit'il cuxulix stuquele.

Levítico 9:9

Te snich'nab te Aarón la yich'ic tel ta sts'eel te xch'ich'ele. Jich te Aarón la smul sbic'tal sc'ab ta ch'ich', la xjax ta xulubiletic yu'un te scajtijib ta chiq'uel majt'anile. Te sobrail xan jil te ch'ich'e, la smal ta sjoyobal ta yacan te scajtijib ta chiq'uel majt'anile.