Levítico 9:12 - Bible in Tzeltal de Oxchuc y Tenejapa

¹² Te Aarón la sbojbey snuc' te chambalam ya yich' aq'uel swenta majt'anil te scojt'ol ya yich' chiq'uele. Te snich'nab te Aarón la yich'ic bael te xch'ich'ele, ja' te la stsijts'anbey ta sjoyobal ta spat te scajtijib ta chiq'uel majt'anile.

Bible in Tzeltal Bachajón

¹² Ha nix hich la smil te scohtol chic'bil mahtanil; te snich'nab Aarón la ya'beyic te sch'ich'el, ha la stsihtsin ta sjoyobal ta sba te scajtajib ta chiq'uel mahtanil.

Levítico 9:12 Referans Kwoze

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Levítico 9:9

Te snich'nab te Aarón la yich'ic tel ta sts'eel te xch'ich'ele. Jich te Aarón la smul sbic'tal sc'ab ta ch'ich', la xjax ta xulubiletic yu'un te scajtijib ta chiq'uel majt'anile. Te sobrail xan jil te ch'ich'e, la smal ta sjoyobal ta yacan te scajtijib ta chiq'uel majt'anile.

Levítico 9:11

Pero te sbaq'uetal soc te snujc'ulel la xchic' ta spat te campamentoe.

Levítico 9:13

Soc la yich'ic bael te sjol te chambalam soc te sbaq'uetal yich'oj niwac sesenel, la yich' aq'uel swenta majt'anil te scojt'ol ya yich' chiq'uele. Te Aarón la xchic' spisil ta scajtijib.

Levítico 10:19

Jac'bot yu'un Aarón: —Aiya awaiy, nax to la yaq'uic ta stojol Cajwaltic te milbil majt'anil yu'un smulic, soc te majt'anil te scojt'ol ya yich' chiq'uele. Pero te jo'one ay bila c'oemix ta pasel ta jwenta, ja' te lajic te jnich'nabe. Te jo'ucon la jti' te milbil majt'anil yu'un mulil te naxe, ¿lec bal yo'tan yu'un te Cajwaltique? —xi'.

Levítico 9:16

Te c'alal la yac' ta majt'anil te chambalam te scojt'ol ya yich' chiq'uele, jich la spas te bit'il chapal sc'oplale.