Levítico 8:9 - Bible in Tzeltal de Oxchuc y Tenejapa

⁹ La yac'bey ta sjol te xpixol pac'; ta sti'ba la yac'bey te lejch'el taq'uin te pasbil ta oro te ya yac' ta na'el te yich'ojix te ch'ul at'el ta sacerdoteile. Mero jich nix la spas te bit'il albot yu'un te Cajwaltique.

Bible in Tzeltal Bachajón

⁹ Patil la ya'be ta sjol te spixjol pac', ta stojol sti'ba la ya'be te jayal pehchel oro, ha te ch'ul corona, hich te bin ut'il halbot yu'un Jehová te Moisés.

Levítico 8:9 Referans Kwoze

Zacarías 3:5

Ora nax la spas ta mandal te sjo'taque, swenta yu'un ya yac'bey sbejch'il pac' ta sjol te Josué. Te sbejch'il pac' la yac'bey ta sjole, mero lec, ma'yuc jxujt'uc ch'ailuben. Patil la yac'beyic slap buen t'ujbil c'u'il. Te c'alal jich yacalic ta spasele, te ch'ul abat teq'uel tey a.

Éxodo 29:6

Ac'beya te sbejch'il pac' ta sjol. Te lejch'el taq'uin ja' me ya amacbey sti'il a te sbejch'il pac' ta sjol te ya yac' ta na'el te ch'ultesbil ta abatinel ta sacerdoteile.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

Éxodo 40:16

Te Moisés jich la spas spisil te bit'il nix albot mandal yu'un te Cajwaltique.

Levítico 8:21

La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.

Levítico 8:36

Te Aarón soc te snich'nab la spasic spisil te bitic mandalil la yal Cajwaltic ta swenta Moisés.