Levítico 8:8 - Bible in Tzeltal de Oxchuc y Tenejapa

⁸ La yac'bey ta sba te bolsa te ay ta stan, tey la yac' ochel te Urim soc te Tumim.

Bible in Tzeltal Bachajón

⁸ Ta sba la ya'be te bolsa ya xc'oht ta stahn, tey la yotses a te Urim soc Tumim.

Levítico 8:8 Referans Kwoze

Esdras 2:63

Soc xan te ajwalil la yal mandal te ma xju' ya swe'ic te we'eliletic ch'ultesbil ja' to teme ay jtul sacerdote te ya sjojc'o ta swenta Urim soc Tumim.

1 Tesalonicenses 5:8

Yan te jo'otic te ayotic ta swenta te c'aleltique, ya sc'an te cuxul co'tantique. Soc ya me jc'u'intic te smajq'uil co'tantic, ja' te xch'uunjel co'tantic, soc te xc'uxul co'tantique. Soc ya me jlaptic te smajq'uil joltic, ja' te jun co'tantic ya jmaliytic te jcoleltique.

Efesios 6:14

Jich yu'un chapaluquex me ta lec: Chuca me ach'ujt'ic a te bila smelelile. C'u'inaic me te smajq'uil awo'tanique, ja' te toj-o'tanile.

Isaías 59:17

La spots sba ta tsalaw, jichuc smajq'uil stan; la yac' ta sjol te colel, jichuc spixol-taq'uin. Bayal la yich'bey spacol, la slap c'oem jichuc najt'il c'u'il; soc la spots sba ta yilimba, jich bit'il te pac' te muc' xchiquine.

Cantares 8:6

Jtuqueluc nax me ayon ta awo'tan, jo'ucon nax me señailon ta ac'ab. Te mulanele, ma xju' ta lajinel sbujts', ja' pajal soc te lajel te ma'yuc mach'a ya xju' ya slajinbey sc'oplal. Te yip ta co'tantic te mulanwaneje, ma xju' ta jinel jichuc bael ta muquenal. Te sc'aal yac ta tilel te mulanwaneje, ja' te c'ajc' talem ta stojol Dios.

Números 27:21

Te Josué ya me stejc'an sba ta stojol te sacerdote te Eleazar. Te Eleazar ya me yalbon spisil c'op, ya me cac'bey sujt'ib ta swenta Urim. Te Josué ja' me ya yalbey mandal ta stojol israeletic ta swenta spisil te bila ya spasique —xi'.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

Nehemías 7:65

Soc albotic xan yu'un te ajwalil te ma xju' ya swe'ic te ch'ultesbil we'eliletic, ja' to teme ay jtuluc sacerdote te ya xchicnantes ta swenta Urim soc Tumim te bi quechele.

Éxodo 29:1

“Te bit'il ya jch'ultes ta abatinel te sacerdoteetic, jich me xapasbey ta stojolic: Tsaca jcojt' toro soc cha'cojt' tat chijetic te ma'yuc bila boloben ta sbaq'uetal.