Levítico 8:6 - Bible in Tzeltal de Oxchuc y Tenejapa

⁶ Te Moisés ora la yic' tel ta stojol te Aarón soc te snich'nabe, la spoc ta ja'.

Bible in Tzeltal Bachajón

⁶ Te Moisés la yic' tal te Aarón soc snich'nab, la spocticlan ta ha'.

Levítico 8:6 Referans Kwoze

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Éxodo 29:4

Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 1:16

Poca abaic, sapa abaic. Q'uejbonic bael ta jsit te amulique; ijq'uitayaic ta spasel te bila ma lecuque.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Salmos 51:2

Pocbon loq'uel te bila amen jpasoje; pasbon ta sac te co'tane.

Salmos 26:6

Pocbilix c'oem te jc'ab, ma'yuquix te jmule. Cajwal, ya jc'an xnoptsajonix bael ta bay scajtijib amajt'an,

Éxodo 40:12

“Ic'a bael te Aarón soc te snich'nab ta bay sti'il te Nailpac' te bay ya quich' c'oponele, ya me awac' spoc sbaic tey a.

Éxodo 30:19

Tey me ya sloq'uesic ja' a te Aarón soc te snich'nab te ya spoc sc'abic soc te yacanique.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Éxodo 30:20

Ya me spoc sbaic ochel ta Nailpac' te bay ya quich' c'oponele. Ja' ni me jich te c'alal ya xtalic ta bay scajtijib milbil jmajt'an te ya xba spas yat'el ta xchiq'uel milbil jmajt'an ta jtojol jo'on te Ajwalilone. Jich me ma xlajic.

Levítico 8:5

Te Moisés jich la yalbey te israeletic: —Ja' Cajwaltic yaloj ya yich' pasel in to —xi'.

Levítico 16:4

Ja' me ya slap bael te snajt'il lino c'u' ch'ultesbile, ya me smac sbaq'uetal ta scomol wex te pasbil ta lino, soc ya me xchuc bael ta xch'ujt' te chujq'uile, soc te xpixol lino-paq'ue. Ja' in to ja' te ch'ul c'u'ile, ja' yu'un neel me ya sc'an ya spoc ta ja' te sbaq'uetal te c'alal ya slape.