Levítico 8:35 - Bible in Tzeltal de Oxchuc y Tenejapa

³⁵ Ja' yu'un ya me sc'an te ya x'ainex juqueb c'aal soc juqueb ajc'ubal ta stojol te yochibal Nailpac' te banti ya yich' c'oponel te Cajwaltique. Ch'uunaic me te mandal yu'un Cajwaltic, jich me ma ba ya xlajex a, melel jich me ay te smandal Cajwaltic te la yalbone —xi' te Moisese.

Bible in Tzeltal Bachajón

³⁵ Ya x'ayinex huqueb c'ahc'al soc huqueb ahc'abal ta stojol te yochibal te Nahilpac' Templo yu'un tahojibal soc ya me ach'uhunic spasel te bin la yal ta mandar te Jehová, scuenta yu'un ma ba ya xchamex; como hich pasbilon ta mandar yu'un, xchi.

Levítico 8:35 Referans Kwoze

1 Reyes 2:3

Ac'a me c'otuc ta pasel awu'un te bila ya yalbat te Cajwaltic te Dios cu'untique, pasbeya me sc'anjel yo'tan. Ja' me xapasbey te bila ya yal spisil ta jchajp te mandaliletic yu'une, jich te bit'il ts'ibubil ta mandaliletic yu'un te Moisés. Jich me ay yutsil ya xc'ot ta spisil a te bila ya apas soc ta bayuc ya xbaat.

Deuteronomio 11:1

“C'uxuc me ta awo'tanic te Cajwaltic te Dios cu'untique, ch'uunbeyaic spasel te bila ya yale, soc spisil ta jchajp te mandaliletic soc te bitic chapal yu'une.

Números 9:19

Teme bayal c'aal ay tocal ta sba te ch'ul awilal, te israeletic jich la scom sbaic ta beel, swenta yu'un ya me yich' ch'uunel smandal te Cajwaltique.

Números 3:7

Ya me yac' sbaic ta abatinel ta stojol Aarón soc spisil te lum ta Nailpac' te bay ya quich' c'oponele. Ja' me ya x'och ta swentaic te abatinel ta ch'ul awilal.

Hebreos 7:28

Melel ta swenta te mandalile, ac'bot yich' yat'elic ta muc' sacerdoteil te winiquetic te ma'yuc bila lec ya xju' yu'unic spasele. Ja'uc me to, bayalix ja'wil a te chicnajem te mandalil te c'alal la yalbey sc'oplal ta jamal te Diose te ya yich' yat'el ta Muc' Sacerdotee te Snich'ane, te ts'acal ya xju' yu'un spasel te yat'el ta sbajt'el q'uinal.

2 Timoteo 4:1

Ya jpasat ta mandal ta stojol te Diose soc ta stojol te Cajwaltic Jesucristoe, te ya xtal ta muc' ajwalile soc te ya yilbey bi yilel yat'el spisil te mach'atic cuxulique soc te mach'atic lajemique.

1 Timoteo 6:20

Jich yu'un Timoteo, canantaya ta lec te bila ac'bilat awentaine. Ma me xawac' achiquin ta yaiyel stojol jontol c'op aiyejetic te ma'yuc swentaile, soc ma me xawac' achiquin ta yaiyel stojol spisil biluc c'opiluc te cuybil ta p'ijil c'ope.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

1 Timoteo 5:21

Ya calbat mandal ta stojol te Diose soc ta stojol te Cajwaltic Jesucristoe soc ta stojol te ch'ul abatetic tsabilic yu'une, te jich me xapas spisil ora. Ma me tsabiluc nax awu'un te mach'a ya achajbane.

1 Timoteo 1:18

Jich yu'un te ja'at, Timoteo, te jnich'anate, ya calbat in mandal to, ta swenta bit'il jich albil ac'oplal ta swenta alwanej-c'op. Jich yu'un lequil soldado me xawac' aba ta yaiyel tsalaw.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Ezequiel 48:11

Te q'uinal ay me ta swenta te ch'ul sacerdoteetic yu'un Cajwaltic te ja' sts'umbalic Sadoc te la swentainbonic te cat'ele, te ma ba la st'unic te yantic israeletic te c'alal la yijq'uitaybonic te be cu'une, jich te bit'il la spasic te levitaetique.

Ezequiel 43:25

Ta jujun me c'aal jich ya spasic, ja' to teme ts'acaj juqueb c'aal. Ya me sc'an ya awac' jcojt' tentsun swenta milbil majt'anil yu'un mulil, soc jcojt' toro soc jcojt' chij, ta spisil ma me ayuc jxujt'uc sfaltaic.

Números 19:12

Ta yoxebal c'aal soc ta sjuquebal c'aal ya me slecubtes sba ta ja' yu'un lecubtesel, jich me lec sc'oplal ya xc'ot.

Levítico 14:8

“Te mach'a ya yich' lecubtesel sc'oplal ya me sc'an te ya sac' te sc'u'-spac', ya me spoc sba ta scojt'ol, soc ya me sloq'ues spisil stsotsil sbaq'uetal ta scojt'ol, swenta yu'un jich me ya yich' lecubtesel bael sc'oplal a. Patil ya me xju'ix ya x'och ta campamento, ja'uc me to juqueb me c'aal ya x'ain ta yol q'uinal.

Levítico 10:1

Te Nadab soc Abiú, ja' te snich'nab Aarón, ta juju-jtul la stsac te yawil yac'alic, la yac'beyic c'ajc' soc spomil, la yac'beyic smajt'anin te Cajwaltique, pero te c'ajc' la yaq'uique, ma ja'uc smandal te Cajwaltique.

Levítico 8:30

Te Moisés la yich' ch'in jtebuc aceite swenta ch'ultesel, soc te ch'ich' ay ta sba te scajtijib ta chiq'uel smajt'an te Diose, la stsijts'anbey ta sba te Aarón soc te snich'nab, soc nix ta sba te sc'u'ic swenta sacerdoteil ta spisilic. Jich la spasbey ta stojol ta spisilic te Aarón soc snich'nab soc sc'u'ic yu'un sacerdoteil ta swenta xch'ulteselic.

Éxodo 29:35

“Jich me xapasbey te Aarón soc te snich'nab te bit'il mandal calojbate. Juqueb me c'aal ya awac'bey spasulay te bit'il ya yich' yat'elique.

Levítico 8:34

Te Cajwaltic la yalix mandal te bila chapal yu'un ya yich' pasulayel, swenta sc'anel perdón yu'un te muliletic apasojique, jich ya sc'an pasel te bit'il la yich'ix pasel naxe.

Levítico 8:36

Te Aarón soc te snich'nab la spasic spisil te bitic mandalil la yal Cajwaltic ta swenta Moisés.