Levítico 8:23 - Bible in Tzeltal de Oxchuc y Tenejapa

²³ Te Moisés la sbojbey snuc', patil la yich' jtebuc te xch'ich'ele, la xjaxbey ta sc'unil swa'el xchiquin te Aarón, soc la yac'bey ta sme' swa'el sc'ab, soc ta sme' swa'el yacan.

Bible in Tzeltal Bachajón

²³ Te Moisés la smil, la yich'be jtebuc te sch'ich'el, la sjaxbe ta sc'unil swa'el chiquin te Aarón, ta swa'el sme' sc'ab soc ta swa'el sme' yoc.

Levítico 8:23 Referans Kwoze

Éxodo 29:20

Mila te tat chije. Tsaca jtebuc te xch'ich'el, ac'beya ta sc'unil swa'el xchiquinic te Aarón soc te snich'nabe, ta bay swa'el sme' sc'abic, soc ta swa'el sme' yacanic. Te sobra ch'ich' tsijts'anbeya ta sba te scajtijib ta chiq'uel milbil jmajt'an soc ta sjoyobal.

Levítico 14:17

Te aceite jil xan ta sc'abe, ya me yich' jtebuc te sacerdote, swenta yu'un ya xjax ta sc'unil swa'el xchiquin a te mach'a ya yich' lecubtesel sc'oplale, ta sme' swa'el sc'ab, ta sme' swa'el yacan, soc ta sba te xch'ich'el te milbil majt'anil yu'un falta.

Levítico 14:14

“Te sacerdote ya me stsac jtebuc ta sc'ab te xch'ich'el te milbil majt'anil yu'un falta. Ya me yich' jaxel ta sc'unil swa'el chiquin te mach'a ya yich' lecubtesel sc'oplal, ta sme' swa'el sc'ab, soc ta sme' swa'el yacan.

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

1 Corintios 6:20

melel toyem atojolic la smanex te Diose. Jich yu'un ich'a ta muc' Dios soc te abaq'uetalique [soc uuc te ach'ulelique, melel yu'un Dios ta xchebalic.]

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Romanos 6:19

La calix ta seña te bi yilel ayic ta balumilal te ants-winiquetique, ta scaj te wocol ya ana'ic stojole. Melel ta neelal to la awaq'uic ta abatinel abaq'uetalic ta spasel te chijubele soc spisil yantic muliletic. Ta ora to, te jayeb c'aal cuxulex ta q'uinal, ac'a me abaic ta sc'ab te Diose. Jich me ya awac' abaic ta abatinel soc abaq'uetalic ta spasel te bila toj ta pasele.

Romanos 6:13

Ma me xawac' ta tuuntesel yu'un mulil te abaq'uetal ta spasel te bila amene. Jich yu'un ac'a abaic ta sc'ab Dios jich bit'il te mach'a cha'cuxemix tel ta bay te animaetique. Jich yu'un ac'aic ta tuuntesel yu'un Dios te abaq'uetalic ta spasel te bila toje.

Levítico 14:28

Soc ya me yich' jaxel jtebuc aceite ta sc'unil swa'el xchiquin, ta sme' swa'el sc'ab, soc ta sme' swa'el yacan te mach'a ya yich' lecubtesel sc'oplale, tey nix te banti la yac'bey te xch'ich'el te milbil majt'anil yu'un sfalta.

Hebreos 5:8

Manchuc teme Snich'an Diose, ja'uc me to, la snop xch'uunel mandal ta swenta bit'il c'ax swocol ta q'uinal.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

1 Tesalonicenses 5:22

Ijq'uitayaic me jilel spisil te bila amene.

Éxodo 29:21

Te ch'ich' ya xjil ta sba te scajtijib milbil jmajt'ane, soc te aceite ta swenta te ch'ultesel, tsaca jtebuc, tsijts'anbeya ta sjol Aarón, te snich'nab soc te sc'u'-spaq'uique. Jich me ch'ultesbil ya xc'ot cu'un Aarón, soc snich'nab, soc te sc'u'-spaq'uique.

Levítico 7:37

Ja' me mandalil yu'un te majt'aniletic te scojt'ol ya yich' chiq'uele, te majt'anil harina, te milbil majt'anil yu'un mach'a ya sta smul, te majt'anil yu'un te mach'a ya yu'unin te bila ma yu'unuque, te majt'aniletic yu'un ch'ultesel, soc te majt'aniletic swenta lamal-o'tanile.

Levítico 14:25

Ya me sbojbey snuc' te jcojt' chij milbil majt'anil yu'un falta, soc ya me stsac jtebuc te xch'ich'ele, ya me xjax a te mach'a ya yich' lecubtesel sc'oplale, ya me yac'bey ta sc'unil swa'el xchiquin, ta sme' swa'el sc'ab soc ta sme' swa'el yacan.