Levítico 8:13 - Bible in Tzeltal de Oxchuc y Tenejapa

¹³ Ja' nix jich la yic' tel ta stojol te snich'nab Aarón. La yac'bey slapic najt'il c'u'iletic, la xchucbey ta xchujq'uil, soc la yac'bey ta sjolic te xpixol paq'uique. Mero jich nix la spas te bit'il albot yu'un te Cajwaltique.

Bible in Tzeltal Bachajón

¹³ Patil te Moisés la yic'ticlan tal ta stojol te snich'nab Aarón, la yac'ticlambe slap te smuc'ul-c'u'ic, la schucticlambe ta schuhquil sch'uht soc la schucticlambe ta sjolic te spixjol paq'uic, hich te bin ut'il halbot yu'un Jehová te Moisés.

Levítico 8:13 Referans Kwoze

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Isaías 61:6

Ya me yich' alel te sacerdoteex yu'un te Cajwaltique; soc ya me yich' alel te yabatex te Dios cu'untique. Ya me awaiybeyic lec yutsilal sc'ulejal te yantic nacionetique; ya me ach'al abaic soc te xojobil yutsilalique.

Salmos 132:9

Ac'a slapic c'oem te colel te sacerdoteetic awu'une; te mach'atic jun yo'tanic ta atojol, ac'a awunicuc ta swenta yutsil q'uinal yaiyic.

Éxodo 40:13

Te Aarón ac'a slap te t'ujbil c'u'ile. Balanbeya aceite ta sjol, jich me ya jch'ultes ta sacerdoteil.

Levítico 10:5

Jich noptsajic tel. Ta snajt'il c'u'ic nix la sliquic bael te animaetic, la sloq'uesic bael ta spat campamento, jich nix te bit'il albotic yu'un te Moisese.

Ezequiel 42:14

Teme ochic bael te sacerdoteetic tey ta yutil te mero templo, ma me xju' ya xloq'uiquix bael ta amac' ta spat, ja' to me teme la yijq'uitayic jilel tey a te c'u'il slapojic ta spasel te yat'elic ta abatinele, melel te c'u'ile ch'ultesbil me. Teme ya xloq'uic baele, teme ya xbajt'ic tey ta banti ayic te yajwal te lume, ya me sc'an ya slapic bael yan c'u'il —xi'.

Éxodo 40:16

Te Moisés jich la spas spisil te bit'il nix albot mandal yu'un te Cajwaltique.

Levítico 8:21

La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.