Levítico 8:11 - Bible in Tzeltal de Oxchuc y Tenejapa

¹¹ Ja' nix te aceite la stsac te Moisés, la stsijts'an juqueb buelta a te scajtijib ta chiq'uel majt'anil, soc la smalbey ta sba te scajtijib ta chiq'uel majt'anil soc ta sba ta spisil te biluquetic yu'une, soc nix ta sba te muc'ul yawil ja' soc scajtijib, swenta yu'un jich ch'ultesbil yu'un Dios ta spisil c'ot a.

Bible in Tzeltal Bachajón

¹¹ la stsihtsin huqueb buelta a te scajtajib ta chiq'uel mahtanil, la smalbe ta sba te scajtajib ta chiq'uel mahtanil soc ta sba spisil te biluquetic yu'un, soc te yawil ha' soc scajtajib, yu'un ya sch'ultes.

Levítico 8:11 Referans Kwoze

Tito 3:6

Ma p'isbiluc la spucbotic te Ch'ul Espíritu te Diose, Ja' la spuc ta swenta te Jesucristo te Jcoltaywanej cu'untique,

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

Éxodo 30:29

Jich me ya awac'bon cu'unin, soc mero muc' ch'ultesbil ta jtojol ya xc'ot awu'un. Jich yu'un biluc a soc mach'auc a te ya xtal spic, ch'ultesbil me cu'un ya xjil.

Éxodo 16:19

La yal te Moisese: —Ma me ayuc mach'a ya yijq'uitay jtebuc ta swenta yan c'aal —xi'.

Éxodo 16:14

C'alal laj loq'uel te sjab lume, ay bila t'ujbil jilel ta sba te taquin q'uinale. Ch'in xujt'ic sepajtic, jich yilel te bit'il toib ya xyalic ta ajc'ubal.

Éxodo 4:17

Ich'a bael te abastone, ja' me ya apas jchajp at'eliletic a —xi' te Diose.

Éxodo 4:6

Yo'tic ac'a ochel ac'ab ta yutil ac'u' ta atan —xi' te Cajwaltique. Te Moisés la yac' ochel sc'ab ta yutil sc'u' ta stan. Te c'alal la sloq'ues tel, yich'ojix loq'uel tel c'a'el-chamel ta snujc'ulel, mero sac nax jichuc toib.

Éxodo 29:36

Jujun me c'aal ya awac'bon milbil jmajt'an, jich me ya ataic perdón yu'un a te amulique. Soc lecubtesbon a te scajtijib jmajt'an ta swenta bit'il ya achic' tey a te milbil jmajt'an yu'un te mulile, soc ac'beya aceite ta sba swenta yu'un jich me lec ya xc'ot ta jtojol a.

Éxodo 29:37

Juqueb me c'aal ya achic'ulay ta sba te scajtijib te milbil jmajt'an yu'un te mulile. Jich me ya xlecub ta jtojol jo'on te Dioson awu'unique, soc jich me mero muc' ch'ultesbil scajtijib jmajt'an ya xc'ot. Biluc a, soc mach'auc a, te ya xtal spic, ch'ultesbil me ya xc'ot cu'un.

Levítico 4:6

Tey me ya xc'o yajts'es ta ch'ich' a te yal sc'abe, ya me stsijts'an juqueb buelta ta jtojol jo'on te Ajwalilone, tey me ya stsijts'an bael ta stojol te pac' macal a te Mero Ch'ul Awilale.

Levítico 4:17

ya me yajts'es yal sc'ab ta ch'ich', ya me stsijts'an ch'ich' juqueb buelta ta jtojol, ja' ta stojol te pac' macal a te Mero Ch'ul Awilale.

Levítico 14:16

Ya me yajts'es a te yal swa'el sc'ab ta aceite te yich'oje, soc ya me stsijts'an juqueb buelta a te aceite ta stojol te Cajwaltique.