Levítico 7:34 - Bible in Tzeltal de Oxchuc y Tenejapa

³⁴ Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

Bible in Tzeltal Bachajón

³⁴ Como tey ta milbil mahtanil scuenta lamal q'uinal te ya yaq'uic te snich'nab Israel la jca'be te sacerdote Aarón soc snich'nab te stahn te ya yich' tuchilanel soc te ya' te ya yich' aq'uel; ha mandaril te ma xlaj sc'oblal yu'un te snich'nab Israel, xchi.

Levítico 7:34 Referans Kwoze

Deuteronomio 18:3

“Te bila ay ta swenta te sacerdoteetic ta stojol te milbil majt'aniletic, toroetic soc chijetic te ya yaq'uic te lume, ja' ya yich'ic te slomo, te yalan'e, soc te stsucum,

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Éxodo 29:26

“Tsaca xan te sbaq'uetal stan te tat chij swenta xch'ultesel te Aarón, ya me atuchbon moel ta yaq'uel ta jtojol jo'on te Ajwalilone. Ja' me ya xc'otix ta awenta te ja'ate.

Levítico 7:33

Te swa'el ya' ja' me yu'un stuquel te sacerdote ya x'at'ej ta yaq'uel te xepuil soc te xch'ich'el te milbil majt'anil swenta lamal-o'tanile.

Números 5:9

“Spisil majt'anil ya yac'beyic Cajwaltic te israeletic, ya me yich'beyic bael ta stojol sacerdote, ja' me yu'un ya xc'ot te sacerdote.

Números 8:11

Te Aarón ya me yac' sc'ab ta jtojol ta yaq'uel te levitaetic ta swenta sjelol te israeletic, yu'un jich me ya yich' aq'uel jilel ta abatinel cu'un.

Números 6:20

Jich yu'un te sacerdote ya me spach ta sc'ab, soc ya me stoyilaybon ta jtojol. Te sbaq'uetal stan te chambalam te ya stoyilaybon ta jtojol uuc, soc te scub te ya yich' aq'uel ta swenta patan ta jtojole, ch'ultesbilic me soc q'uejbil ta swenta te sacerdote. Ta patil, te nazareo ya xju' ya yuch'ix te vinoe.