Levítico 7:33 - Bible in Tzeltal de Oxchuc y Tenejapa

³³ Te swa'el ya' ja' me yu'un stuquel te sacerdote ya x'at'ej ta yaq'uel te xepuil soc te xch'ich'el te milbil majt'anil swenta lamal-o'tanile.

Bible in Tzeltal Bachajón

³³ Te snich'an Aarón te ya yac' te sch'ich'el te milbil mahtanil scuenta lamal q'uinal soc te sjuhp'ele, ha yu'un ya xc'oht te swa'el ya'.

Levítico 7:33 Referans Kwoze

Levítico 7:3

Ya me yich' aq'uel ta majt'anil spisil te xepuil te chambalame: ja' te ay ta sne, soc te macal a te sbiquile,

Levítico 7:32

Te swa'el ya' te chambalam ya yich' aq'uel swenta lamal-o'tanil, ya me yich' aq'uel te sacerdote swenta patanil.

Levítico 7:34

Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

1 Samuel 9:24

Ora la sloq'ues tel jun sjejquel ya' ti'bal te mach'a ay ta at'el ta cocina, la yac'bey te Saule. C'opoj xan te Samuel: —Tey ay te bi yich'oj chajbanel, te ja'at awu'une. Ich'a, we'an, melel te c'alal la jticun ta iq'uel te yajwal lume, chapalix cu'un te bit'il ja' ya xtuun awu'un ta ora in to —xi'. Jich te Saúl la sjoin ta we'el te Samuele.