Levítico 7:31 - Bible in Tzeltal de Oxchuc y Tenejapa

³¹ Te sacerdote ya me xchic' te xepuil ta scajtijib, pero te stan ja' me ya yich' soc sts'umbal stuquel te Aarón.

Bible in Tzeltal Bachajón

³¹ Te sacerdote ya schic' te sjuhp'el ta scajtajib ta chiq'uel mahtanil, yan te stahn ha yu'un Aarón soc te snich'nabe.

Levítico 7:31 Referans Kwoze

Levítico 7:34

Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

Levítico 3:16

Jich te sacerdote ya me xchic' ta sba scajtijib spisil swenta chic'bil majt'anil we'elil te buen bujts'an yiq'ue. Spisil te xepuil jo'on me cu'un stuquel te Ajwalilone.

Levítico 3:11

Jich te sacerdote ya me xchic' ta sba scajtijib spisil, swenta majt'anil we'elil te ya yich' chiq'uel ta swenta quich'el ta muc' jo'on te Ajwalilone.

Levítico 3:5

Te sacerdoteetic ya me xchiq'uic spisil ta scajtijib te jmajt'ane, ja' nix ya sjoin ta chiq'uel te chambalam te yac ta tilel soc te si'e, swenta chic'bil jmajt'an te buen bujts'an yic' ta jtojol jo'on te Ajwalilone.

Números 18:18

Te ja'at ya me awich'bey jilel te sbaq'uetale, jich nix te bit'il la awich'bey stan te chambalam swenta seña lamal-o'tanil, soc te swa'el cub, ja' me te majt'anil te tsabile.

Levítico 8:29

Patil te Moisés la stsacbey te stan te chambalame, la stoyilaybey ta stojol te Cajwaltique. Ja' te stan te chij swenta xchajbanel xch'ul yat'el te sacerdoteetic, ja' te c'ot ta swenta te Moisés, jich nix te bit'il pasot ta mandal yu'un te Cajwaltique.

Levítico 6:26

Te sacerdote ya yac' te majt'anil yu'un mach'a la sta smule, ya xju' ya swe'elin, pero ya me sc'an ya swe' ta yawil te ch'ultesbil ta yamac'ul te Nailpac' te banti ya quich' c'oponele.

Levítico 6:16

Te sobra xan ya xjil te majt'anile, ja' me ya swe'elin soc snich'nab te Aarón, ma'yuc slevadurail ya swe'ic ta yawil ch'ultesbil ta yamac'ul te Nailpac' te banti ya quich' c'oponele.

Levítico 5:13

Te sacerdote jich me ya stabey perdón ta stojol te mach'a staoj smule, chican te bila mulile, jich me pasbil perdón ya xc'ot a te smule. Te bay c'alal ya xjil te majt'anil harina, ja' me ya yich' te sacerdote, jich te bit'il spisil majt'anil harina.” Jich me ya awal ta stojolic —xi' te Cajwaltique.

1 Corintios 9:13

¿Yu'un bal ma ba ana'ojic te mach'atic ya x'at'ejic ta spasel te yat'el Diose, tey ya xwe'ic a ta bay te temploe? Ja' nix jich te mach'atic ya yat'elinic smilel smajt'an te Diose, ya swe'elinic uuc te ti'bale.

Éxodo 29:26

“Tsaca xan te sbaq'uetal stan te tat chij swenta xch'ultesel te Aarón, ya me atuchbon moel ta yaq'uel ta jtojol jo'on te Ajwalilone. Ja' me ya xc'otix ta awenta te ja'ate.

Números 18:11

“Soc ya cac'bat ja'at soc te anich'nab queremetic ach'ixetic te nainemat soque, te majt'aniletic tsabil te ya yac'bonic ta jtojol te israeletique. Ja' me mandalil cu'un sbajt'el q'uinal. Mach'auc te ay awu'un te lec sc'oplale, ya me swe'elinic.

Deuteronomio 18:3

“Te bila ay ta swenta te sacerdoteetic ta stojol te milbil majt'aniletic, toroetic soc chijetic te ya yaq'uic te lume, ja' ya yich'ic te slomo, te yalan'e, soc te stsucum,