Levítico 7:26 - Bible in Tzeltal de Oxchuc y Tenejapa

²⁶ “Ta bayuc ya xnainex, jc'axel ma xju' ya alo'beyic xch'ich'el mutetic soc yantic chambalametic.

Bible in Tzeltal Bachajón

²⁶ Soc ta bayuc ya xnahinex, ma me xawe'beyic sch'ich'el mutetic o chambahlametic.

Levítico 7:26 Referans Kwoze

Génesis 9:4

Ja'uc me to, ay bi ma xju' ya awe'elinic, ja' te ti'bal te yich'oj to te xch'ich'ele, ma me xati'. Melel ja' xcuxlejal.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

1 Timoteo 4:4

Melel spisil bila spasoj te Diose lec stuquel. Jich ma sc'an teme ay bi ya jp'ajtique, melel ma'yuc bila ma lecuc ta tuuntesel. Ja' nax ya sc'an te ya calbeytic wocol Dios yu'un te ya jtuuntestique.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

San Juan 6:53

Te Jesús jich la yalbey yaiyic: —Jamal ya calbeyex, teme ma ba ya awe'beyic sbaq'uetal te Nich'anile soc teme ma ba ya awuch'beyic te xch'ich'ele, ma ba ya xcuxinex.

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.

Levítico 7:25

“Mach'auc a te ya slo'beyic xepuil te chambalametic swenta chic'bil majt'anil te ya quich' aq'uel ta jtojol jo'on te Ajwalilone, ya me yich' loq'uesel ta stojol te slumale.

Levítico 7:27

Teme ay mach'a ya slo' chican biluc te ay xch'ich'ele, ya me yich' loq'uesel ta stojol te slumale.” Jich me ya awal ta stojolic —xi' te Cajwaltique.

Levítico 19:26

“Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Deuteronomio 12:16

Ma me xju' ya alo'beyic te xch'ich'ele, mala ta lum jichuc ja' stuquel.

Deuteronomio 12:23

Ma me xju' ya alo'beyic stuquel te xch'ich'ele, melel ja' xcuxlejal. Ja' yu'un ma ba lec teme ya alo'bey xch'ich'el, ja' nax me te sbaq'uetale.

Deuteronomio 15:23

Ma me xju' ya alo'beyic te xch'ich'ele, malbeyaic ta lumq'uinal jichuc ja' stuquel.

Éxodo 22:30

Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.