Levítico 7:19 - Bible in Tzeltal de Oxchuc y Tenejapa

¹⁹ “Teme ya slac' sba soc te bila ma lecuc sc'oplal te ti'bale, ma me lecuc ta ti'el, ac'a me yich' chiq'uel. “Spisil te mach'atic slecubtesej sc'oplalic, ja' me ya xju' ya sti'ic stuquelic te ti'bale.

Bible in Tzeltal Bachajón

¹⁹ Te ti'bal te ya slac' sba soc te bin bohloben sc'oblal, ma xhu' ta we'el, ya yich' chiq'uel. Spisil te mach'atic lec sc'oblalic ya xhu' ya swe'ic te ti'bal.

Levítico 7:19 Referans Kwoze

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Romanos 14:20

Ma me xajinbey yat'el Dios ta swenta te we'elile. Melel spisil ta jchajp te we'elile, lec sc'oplal. Ja'uc me to, ja' ma lecuc teme ya ayales ta mulil yantic ta swenta te bit'il ya xwe'e.

Romanos 14:14

Te jo'one, jna'oj stojol ta swenta Cajwaltic Jesús, te ma'yuc we'elil te ya xju' ya xbolob jc'oplaltic ta stojol Dios yu'une. Yan teme ay mach'a jich c'oem ta yo'tan te ya xbolob sc'oplal yu'un te we'elile, yu'un nanix amen teme ya stuuntese.

Hechos 10:28

Jich te Pedro jajch' yalbey yaiyic: —Te ja'exe ya ana'ic stojol te ay mandalil cu'untic jo'otic te judiootic te ma xju' ya join jbatic soc te mach'a jyanlum, ni ya xju' ya x'ochotic ta sna. Ja'uc me to, Dios la yac'bonix jna' stojol te ma xju' cal te ma lecuc sc'oplal jtuluc ants-winic soc ma xju' ya quilay.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Levítico 6:27

Biluc a, soc mach'auc a, te ya spic te sbaq'uetal te chambalame, ch'ultesbil me ya xc'ot. Teme c'ot ch'ich' ta c'u'il-pac'ale, ya me yich' saq'uel ta xch'ul yawil.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

Levítico 7:20

“Teme ay mach'a ma ba slecubtesej sc'oplal a ya sti' te ti'bal te jo'on cu'un te Ajwalilone, ya me yich' loq'uesel ta stojol te slumale.