Levítico 7:18 - Bible in Tzeltal de Oxchuc y Tenejapa

¹⁸ Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

Bible in Tzeltal Bachajón

¹⁸ Teme ya yich' we'el ta yoxebal c'ahc'al te ti'bal yu'un te milbil mahtanil scuenta lamal q'uinale, ma ba lec ya xc'oht yu'un Dios te mach'a la yaq'ue, soc te bin la yac' mayuc ta cuenta, ihlaybil ya xc'oht, soc te mach'a ya sti' ay smul ya xc'oht.

Levítico 7:18 Referans Kwoze

Números 18:27

Ja' me apatanic, ja' nix pajal soc te spatanic ya yaq'uic te israeletic te c'alal ya yaq'uic te strigo soc te svino.

Levítico 22:25

Soc ma me xatsacbeyic teme ay jyanlum tal yac'beyex chambalam, te jich ay te bit'il la calixe. Teme ya xtal yac' chambalam te ja' jwe'el jo'on te Diosone, pero teme ay bila boloben ta sbaq'uetal te chambalame, ma me stsacbot stuquel”, uta me xi'.

Levítico 11:41

“Ma me xju' ya ati'ic te chambalam ya stas sba ta beel ta lume, melel ilaybil chambalam stuquel.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Malaquías 1:13

Te ja'ex jich ya awalic: “Lubenotiquix yu'un spisil”, xaex. Ma'yuquix jc'oplal ta awo'tanic. Ya to awalic te ya xbujts'naj co'tan yu'un ta ac'opic te c'alal ya xtal awac'bonic jmajt'anin elc'anbil chambalam, o teme jcojt' coxo, o teme ay ta chamele.

Malaquías 1:10

—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.

Amós 5:22

Ma jc'an te chic'bil majt'anil ya awac'bonic yu'un quich'jibal ta muq'ue, ni te majt'aniletic harina; ma ba ya jtsacbat te jujp'en wacaxetic te ya amilic te seña te jun co'tan jbatique.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Ezequiel 18:20

Ja' nax te mach'a ya sle smule, ya me xlaj stuquel. Ma xju' teme ya stojbey smul stat te nich'anile, ni ja'uc te tatil ya xju' ya stojbey smul te nich'anile. Te mach'a stojil ya spase, ya me yich' smajt'an yu'un te stojil la spase; yan te mach'a amen te yat'ele, ja' me ya yich' castigo yu'un te smule.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Isaías 65:4

La snajc'an sbaic ta muquenaletic, tey c'ax ajc'ubal yu'unic a ta bay ma xchicnajic ta ilele. La sti'ic sti'balul chitam, soc la snojes yoxomic yu'un scaldoil ti'bal te ma ba lec sc'oplale.

Levítico 22:23

Swenta majt'anil yu'un spasemal awo'tan, ya xju' ya awac' toro o chij te stalel ma ts'acaluc a tojc' te sbaq'uetale, pero teme ja' majt'anil yu'un te bila achapoj ta jtojol, ma xju' ya jtsacbat stuquel.

Levítico 22:16

Te mach'a ya swe' te bitic ch'ultesbil, ay smul ya xc'ot. Jo'on Ajwalilon te la jch'ultese —xi' te Cajwaltique.

Levítico 20:19

“Ma me xwayat soc te xwix o yijts'in te ame'e, soc ma me xwayat soc te xwix o yijts'in-ach'ix te atate, melel teme jich ya apas te bit'il ma yanuc parte awu'une, ta achebalic me ya acuchic te amulique.

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.

Levítico 17:16

Pero teme ma ba ya sac' te sc'u'-spaq'ue, soc teme ma ba ya spoc sba ta ja', xcuchoj me ya xjil te smule.” Jich me ya xc'o awal ta stojolic —xi' te Cajwaltique.

Levítico 10:19

Jac'bot yu'un Aarón: —Aiya awaiy, nax to la yaq'uic ta stojol Cajwaltic te milbil majt'anil yu'un smulic, soc te majt'anil te scojt'ol ya yich' chiq'uele. Pero te jo'one ay bila c'oemix ta pasel ta jwenta, ja' te lajic te jnich'nabe. Te jo'ucon la jti' te milbil majt'anil yu'un mulil te naxe, ¿lec bal yo'tan yu'un te Cajwaltique? —xi'.

Levítico 10:17

—¿Bi yu'un ma ba la ati'ic ta ch'ultesbil yawil te milbil majt'anil swenta mulile? Melel mero ch'ultesbil, ja' yu'un ja'ex la yac'beyex te Cajwaltique, swenta yu'un ja'ex me ya acuchbeyic a te sfaltaic te israeletique, swenta yu'un jich me ya staic a te perdón yu'un smulic ta stojol te Cajwaltique.

Levítico 5:17

“Teme ay mach'a ya sta smul swenta bit'il la xc'axintaybon te mandaliletic cu'une, manchuc teme ma sna', pero ya me sta falta yu'un soc xcuchoj me smul ya xjil yu'un.

Levítico 7:19

“Teme ya slac' sba soc te bila ma lecuc sc'oplal te ti'bale, ma me lecuc ta ti'el, ac'a me yich' chiq'uel. “Spisil te mach'atic slecubtesej sc'oplalic, ja' me ya xju' ya sti'ic stuquelic te ti'bale.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Levítico 19:5

“Te c'alal ya awac'beyic milbil smajt'an Dios swenta lamal-o'tanil, jich me xapasic te bit'il ya sc'an pasele, swenta yu'un jich me ya jtsacbeyex te majt'anile.