Levítico 7:16 - Bible in Tzeltal de Oxchuc y Tenejapa

¹⁶ Yan teme ja' ta swenta bit'il ay bila xchapoj ta jtojole, o teme swenta nax spasemal yo'tan te ya yac'bon te chambalam te mach'a ya yaq'ue, ya me sc'an te ja' nix te sc'aalelal te bi ora ya yich' aq'uel te ya yich' ti'el te sbaq'uetale. Teme ay to jil te ti'bale, ya xju' ta ti'el ta xchebal c'aal stuquel;

Bible in Tzeltal Bachajón

¹⁶ Yan teme ha mahtanil yu'un sc'op schapoj, o teme scuenta nax sc'anojel yo'tan, ya yich' we'el ta sc'ahc'alel nix te la yich' aq'uele; teme ay to hile, ya xhu' ya swe'ic ta schebal c'ahc'al;

Levítico 7:16 Referans Kwoze

Deuteronomio 12:6

Tey me ya xba amilic soc ya achiq'uic chambalametic, swenta yich'el ta muc' awu'unic a. Soc ya me awich'beyic bael te jun ta slajunebal, soc abiluquic swenta patanil awu'unic, soc te bila spasemal awo'tan jc'axel ya achap ya awaq'ue, soc te smajt'an ta swenta yutsil awo'tanique. Ja' nix jich te sba yal te wacaxetic soc te chijetic awu'unique.

Nahúm 1:15

¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Ezequiel 46:12

“Teme ay la yac'bey smajt'an Cajwaltic ta spasemal yo'tan te ajwalile, jich bit'il chambalam yu'un chic'bil scojt'ol majt'anil o milbil majt'anil yu'un lamal-o'tanil, ya me xju' ya yich' jamel te ti'nail ay ta stojol sloq'uib c'aale. Ya me yac' te milbil majt'anil yu'une, jich nix me ya spas te bit'il ya spas ta sc'aalelal cux-o'tane. Teme loq'ue, ya me yich' maquel te ti'naile.

Salmos 116:18

Ya me jc'otes ta pasel te bitic caloj ta stojol Cajwal, ta yolil spisil te lum yu'un,

Salmos 116:14

Ya me jc'otes ta pasel te bitic caloj ta stojol te Cajwale, ta yolil spisil te lum yu'une.

Salmos 66:13

Ya me x'ochon ta templo awu'un, ya me jchic'bat majt'anil ta atojol; jich ya xc'ot ta pasel cu'un a te bila caloj ta atojole,

Deuteronomio 12:26

Yan te bitic chapal yu'un ya awac'beyic ta stojol te Cajwaltic swenta smajt'ane, soc te bila jc'axel awalojic te ya awac'beyic te Cajwaltique, ya me awaq'uic tey ta banti ya stsa stuquel.

Deuteronomio 12:17

“Ma me xju' ya awe'ic ta yutil alumalic te jun ta slajunebal te trigo awu'unic, te aceite o te vino awu'unique, soc ni ja'uc te sba yal te wacaxetic, o te chijetic awu'unique, soc ni ja'uc te bila jc'axel awaloj ya awac'beyic ta stojol te Cajwaltique, soc ni ja'uc te smajt'an Dios ya awaq'uic ta spasemal awo'tanique.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Levítico 23:38

Yan me a te majt'aniletic yu'un sc'aalelal swenta cux-o'tan ta swenta quich'jibal ta muq'ue, soc nix te yantic majt'aniletic ta swenta spasemal awo'tanic ya awac'bonic, te majt'aniletic chapal ya awac'bonic, o te majt'aniletic ta swenta yutsil awo'tanic ya awac'bonique.

Levítico 22:29

“Te bi ora ya awac'bon jmajt'an ta swenta yalel wocol, swentail me xapas, jich me tsacbil ya xc'ot te majt'anile.

Levítico 22:23

Swenta majt'anil yu'un spasemal awo'tan, ya xju' ya awac' toro o chij te stalel ma ts'acaluc a tojc' te sbaq'uetale, pero teme ja' majt'anil yu'un te bila achapoj ta jtojol, ma xju' ya jtsacbat stuquel.

Éxodo 35:29

Spisil te israeletic, winiquetic soc antsetic, la yich'beyic tel smajt'an Dios yu'unic ta swenta spasemal yo'tanic, ja' te jayeb mach'atic te tijbot yo'tanic yu'un te ya yaiyic coltaywanej ta at'el, yu'un jich ya yich' pasel spisil te bila albil mandal yu'un Cajwaltic te Moisese.

Proverbios 7:14

“Te jo'one wojey cha'jey la jchap te ya cac' milbil majt'anil swenta lamal-o'tanil, nax to nax c'ot ta pasel cu'un te bila jchapoje.