Levítico 7:12 - Bible in Tzeltal de Oxchuc y Tenejapa

¹² Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

Bible in Tzeltal Bachajón

¹² Teme ya yich' aq'uel ta scuenta yalel wocol, ha ya yich' aq'uel soc pimil pan ma ba yich'oj levadura te wots'bil ta aceite, soc jayal pan ma ba yich'oj levadura te jaxbil ta aceite, soc pimil pan pasbil ta lequil harina wots'bil ta aceite.

Levítico 7:12 Referans Kwoze

Números 6:15

Soc ya me yich' aq'uel jun ch'in moch wajetic te lec pasbil ta harina, te ma ba yich'oj levadura, te wots'bil soc aceite; soc te jayal waj te ma ba yich'oj levadura, te ja' nax tsijts'anbil ta aceite, ya me sjoin te majt'anil harina soc vino.

Levítico 2:4

“Teme la awac'bon jmajt'anin harina te wobil ta horno, pimil waj me xawac'bon soc ja'uc me pasbil a te buen lequil harina wots'bil soc aceite, pero ma me ayuc slevadurail, o teme ja' te jayal waj ma ba yich'oj levadura te yich'oj tsijts'anel ta aceite.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Hebreos 13:15

Jich yu'un ya sc'an te spisil ora ya calbeytic yutsilal Dios ta swenta te Jesucristoe. Ja' milbil smajt'an Dios cu'untic te ya caltic ta jti'tic te yutsil sbiile.

Efesios 5:20

Spisil te bila yac'ojbeyex te Jtatic Diose albeyaic wocol ta swenta sbiil te Cajwaltic Jesucristoe.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

San Lucas 17:18

¿Ja' nax bal in jyanlum winic to te sujt' tel ta yalel wocol ta stojol te Diose? —xi' te Jesuse.

San Lucas 17:16

Jul stinan sba coel c'alal ta lum ta stojol te Jesuse. La yalbey wocol ta stojol. In te winique samaria-winic stuquel.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

Salmos 116:17

Ya me cac'bat milbil amajt'an ta swenta yalel wocol; ya me jc'oponat ta spisil ora, Cajwal.

Salmos 107:8

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltique, ja' te bila lec ya spas ta stojol te ants-winiquetique.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Salmos 50:23

Te mach'a ya yal wocol ta jtojol, ja' ya yac'on ta ich'el ta muc', ja' me jmajt'an yu'un te ya sc'ajintayone. Jo'on te Diosone, ya me jcoltay te mach'a toj ya yac' sba ta jtojole”, xi' te Cajwaltique.

Nehemías 12:43

Ta c'aal in to, la yich' aq'uel bayal milbil majt'aniletic ta stojol Dios. Te winiquetic mero bayal yutsil yo'tanic, melel Dios nojesbotic ta yo'tanic yutsil q'uinal yaiyic yu'un. Te antsetic soc te alaletic mero bayal yutsil yo'tanic uuc. Te yutsil q'uinal la yaiyic ta Jerusalén, chicnaj ta aiyel ta sc'ubulil te lume.

2 Crónicas 33:16

Ta patil la xchajban xan scajtijib ta chiq'uel smajt'an te Cajwaltique. La yac'bey milbil majt'aniletic te seña lamal-o'tanil, soc yan milbil majt'aniletic swenta yalel wocol. La yal mandal ta Judá te ya x'ochic ta xch'uunel te Cajwaltic te Dios yu'un Israel.

2 Crónicas 29:31

Te muc' ajwalil Ezequías la yalbey te ants-winiquetique: —Ta ora yo'tic, te bit'il achajbanejix abaic ta stojol te Cajwaltique, noptsajanic tel, soc ich'aic tel milbil majt'anil soc yan majt'anil yu'un yalel wocol Cajwaltic ta templo —xi'. Jich yu'un te lume la yich'ic tel milbil majt'anil soc yan majt'anil ta yalel wocol. Te mach'atic toyol yo'tanic ta stojol Cajwaltic, spasemal yo'tanic la yaq'uic chic'bil majt'anil.

Levítico 22:29

“Te bi ora ya awac'bon jmajt'an ta swenta yalel wocol, swentail me xapas, jich me tsacbil ya xc'ot te majt'anile.

Levítico 7:15

“Te sbaq'uetal te chambalam ya yich' aq'uel swenta yalel wocol ta jtojol soc swenta te lamal-o'tanile, ya me sc'an te ja' nix te sc'aalelal te bi ora ya yich' aq'uel te ya yich' ti'el spisil te sbaq'uetale; ma xju' ya yich' q'uejel jxujt'uc yu'un yan c'aal.

Levítico 6:16

Te sobra xan ya xjil te majt'anile, ja' me ya swe'elin soc snich'nab te Aarón, ma'yuc slevadurail ya swe'ic ta yawil ch'ultesbil ta yamac'ul te Nailpac' te banti ya quich' c'oponele.

Levítico 2:5

“Teme harina te jmajt'an awu'un te pasbil ta samet, ja' me ya sc'an te ya yich' pasel ta lequil harina, soc te wots'bil soc aceite, pero ma me ayuc slevadurail.

Amós 4:5

Chic'aic waj te yich'oj levadura swenta majt'anil ta yalel wocol, soc pucbeya sc'oplal ta bayuc te majt'anil awu'un te spasemal awo'tan ya awaq'uique, ja' te ya smulan awo'tanic spasel te ja'exe —xi' ta tulan te Cajwaltique.