Levítico 6:5 - Bible in Tzeltal de Oxchuc y Tenejapa

⁵ biluc a te la yal ta jamal ta lote. Ya me sujt'esbey ta stojol spisil te yajwal, soc ya me yac' jun ta yo'ebal swenta sjol, te bi ora ya yac' te milbil majt'anil yu'un te smule.

Bible in Tzeltal Bachajón

⁵ o biluc a te la yal ta jamal ta lot. Ya me sutbe spisil ta stojol te yajwal, soc ya me yac' jun xan ta yo'ebal te bin ora ya yac' te mahtanil yu'un smul.

Levítico 6:5 Referans Kwoze

Levítico 5:16

Ja' te mach'a la sta smul ta swenta te bit'il la scom sba ta yaq'uel te bila ch'ultesbil cu'une, ya me stoj, soc ya me yac' xan jun ta jo'jo'eb te stojole. Te jayeb ya xloq'ue, ya me yac'bey ta sc'ab te sacerdote. Te sacerdote ya me stabey perdón yu'un te falta staoj te mach'a ya yac' te chij ya yich' milel yu'un te smule, jich me pasbil perdón ya xjil yu'un a te falta staoje.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

2 Samuel 12:6

Soc ya me stoj chaneb buelta te bit'il stojol te sme' xchije, melel mero amen bi la spas te bit'il ma ba la sna'bey yo'bolil sba —xi'.

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

Éxodo 22:9

“Teme ay mach'a ay bila ya sc'an smuquen-yu'unin, teme wacax, burro, chij, o ja' te c'u'il-pac'ale, soc biluc a te ch'ayeme, teme ay mach'a ya yal: “Jo'on cu'un”, teme xie, ta xchebalic ya x'ic'otic bael ta stojol Dios. Te mach'a jamal ya x'albot sc'oplal yu'un te ja' yac ta lo'laywaneje, ja' me smul ya xc'ot. Jich yu'un cheb buelta ya sujt'esbey sjelol te spat-xujq'ue.

Isaías 58:9

Jich yu'un teme ya awic'one, ya me jac'bat ac'op; teme ya awawtayon ta sc'anel acoltayele, jich me ya calbat: “Li' ayon to”, xoon me. Teme ya awac' xch'ay bael spisil uts'inel, teme ma ba ya awixtac'optay yantic, teme ma xlewanat ta c'op,

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

Éxodo 22:7

“Teme ay mach'a ya yac'bey xq'uejbot staq'uin te spat-xujq'ue, o ay yan sbiluc, teme och j'elec' ta sna te winique, soc teme taot te j'eleq'ue, ya me stoj ta swenta cheb buelta.

Éxodo 22:4

“Teme cuxul tabot te yeleq'ue, chican teme wacax, burro, o chij, cheb buelta me ya sujt'esbey sjelol.

Éxodo 22:1

“Teme ay mach'a ya yelc'an jcojt' wacax, o jcojt' chij, teme ya smil, o ya xchon, jo'cojt' me ya sujt'esbeyix sjelol teme wacaxe. Yan teme chije, chancojt' me ya sujt'esbey sjelol stuquel.

Ezequiel 33:15

teme ya sujt'es te bila yich'oj ta prendal, soc teme ya sujt'es te bi yelc'aneje, teme ya spas te bila ya yal te mandaliletic ya yac' cuxlejal, soc teme ya yijq'uitay spasel te bila ma lecuc ta pasele, ya me xcuxin ta mero melel, ma me ba ya xlaj.

Éxodo 30:7

Spisil ora ta jujun c'aal ta sab, te c'alal ya yich' chajbanel te c'ajq'uetique, te Aarón ya me xchic' pom te bujts'an yiq'ue, tey me a ta sba te scajtijibe.

Nehemías 10:35

La yich' na'el cu'untic ta jujun ja'wil te ya quich'beytic bael ta templo yu'un Cajwaltic te sba sit te bi ya xloc' cu'untique, soc sit te te'etic cu'untic te lec ta lo'ele.