Levítico 6:26 - Bible in Tzeltal de Oxchuc y Tenejapa

²⁶ Te sacerdote ya yac' te majt'anil yu'un mach'a la sta smule, ya xju' ya swe'elin, pero ya me sc'an ya swe' ta yawil te ch'ultesbil ta yamac'ul te Nailpac' te banti ya quich' c'oponele.

Bible in Tzeltal Bachajón

²⁶ Te sacerdote te ya yac' te mahtanil yu'un mulil, ha nix ya swe'; ya me swe' ta lugar te ch'ultesbil, ta yamaq'uil te Nahilpac' Templo yu'un tahojibal.

Levítico 6:26 Referans Kwoze

Oseas 4:8

Ya xcuxinic ta swenta smulic te lum cu'une; jich yu'un sc'anoj yo'tanic te yacuc sle smulic te ants-winiquetic cu'une.

Ezequiel 46:20

Jich la yalbon: —Li' me te banti ya stac'ajtes te sbaq'uetal chambalametic te sacerdoteetique, ja' te ya yich' aq'uel ta milbil majt'anil yu'un falta staojique te mach'a ya xju' yu'un yac'beyel sjelol, soc te ya spayic te harina ya yich' aq'uel ta smajt'an Diose. Jich me ma puersauc ya yich' loq'uesel bael ta amac' ta spat te biluque, ni ja'uc te lum ya x'och sta sba soc te bitic ch'ultesbile —xi'.

Ezequiel 42:13

Te winique jich la yalbon: —Te cuartoetic ayic ta stojol norte, soc nix te ayic ta stojol sur, te ayic ta elawal yu'un te amac' macale, ch'ul cuartoetic me spisilic. Te sacerdoteetic ya xnoptsajic ta stojol Cajwaltic ya me swe'ic tey a te smajt'an Dios te mero ch'ultesbile. Tey nix ya yaq'uic a te smajt'an Dios te mero ch'ultesbile, ja'ic me te smajt'an Dios ta swenta mulil soc te smajt'an Dios yu'un te falta staojique, melel mero ch'ultesbil.

Levítico 6:16

Te sobra xan ya xjil te majt'anile, ja' me ya swe'elin soc snich'nab te Aarón, ma'yuc slevadurail ya swe'ic ta yawil ch'ultesbil ta yamac'ul te Nailpac' te banti ya quich' c'oponele.

Éxodo 40:33

Te Moisés la spas ta slajibal te scorralil ta sjoyobal te Nailpac' Templo soc te scajtijib ta chiq'uel te milbil majt'anile. La sjojc'anbey spac'ul yochibal te scorralile. Te c'alal nax a ju' yu'un Moisés te at'ele,

1 Corintios 9:13

¿Yu'un bal ma ba ana'ojic te mach'atic ya x'at'ejic ta spasel te yat'el Diose, tey ya xwe'ic a ta bay te temploe? Ja' nix jich te mach'atic ya yat'elinic smilel smajt'an te Diose, ya swe'elinic uuc te ti'bale.

Levítico 6:17

Ma me xju' ya yich' payel soc levadura. Ja'ic cac'ojbeyic yu'un ya xc'ot ta swentaic te bay c'alal ya xjil te chic'bil majt'anil cu'un te bila mero ch'ultesbile. Ja' nix jich te bit'il milbil majt'anil yu'un te mach'a ya sta smule, soc milbil majt'anil yu'un te mach'a ya yaiy lo'laywanej.

Levítico 6:29

“Ja' milbil majt'anil in to, ja' mero ch'ultesbil stuquel. Ja' nax me ya xju' ya swe'elinic te sacerdoteetique.

Levítico 7:7

“Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.