Levítico 6:20 - Bible in Tzeltal de Oxchuc y Tenejapa

²⁰ —Ja' majt'anil ya yac' Aarón soc sts'umbal ta jtojol jo'on te Ajwalilon, te c'alal ya yich'iquix ch'ultesel swenta yu'un ya x'ochic ta sacerdoteil: Cheb kilo mero lequil harina ya me yac'bonic jmajt'anin, olil ya yac' ta sab, te yan olile ya yac' c'alal ta smalel c'aal bael, jich me ya spasic spisil ora, ma me spas falta ni junuc c'aal.

Bible in Tzeltal Bachajón

²⁰ Hich ay te mahtanil ya yac' te Aarón soc te snich'nab ta stojol Jehová te c'alal ya xmalbot aceite scuenta ch'ultesel: ha jun ta slajunebal efa lequil harina, j'ohlil ya yac' ta sab, j'ohlil ta tibiltic, ha mahtanil te ma xlaj sc'oblal ta aq'uel.

Levítico 6:20 Referans Kwoze

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Éxodo 16:36

Te efa ay lajunp'is gomer yich'oj.

Hebreos 7:27

Ma pajaluc soc te yantic muc' sacerdoteetic te puersa ya smilbeyic smajt'anin chambalametic jujun c'aal te Diose, te ja' neel ya smilic swenta xch'ayjibal smulic soc te patil ya smilic yan swenta xch'ayjibal smulic uuc te slumale. Melel te Jesuse tic' a te la yac' sba ta milbil smajt'an Dios jun buelta, te bit'il la yac' sba ta lajel stuquele.

Hebreos 5:1

Melel te mach'a ya yich' yat'el ta muc' sacerdoteil, ya stsaot loq'uel ta yolil ants-winiquetic te ya x'ac'bot yich' yat'el, swenta yu'un ya xc'opoj ta stojol Dios yu'un te ants-winiquetique soc te ya yac'bey smajt'an Dios soc te milbil smajt'an Dios swenta xch'ayel te smulique.

Números 28:10

Ja' me te chambalam ya yich' aq'uel swenta majt'anil te scojt'ol ya yich' chiq'uel te sc'aalelal cux-o'tanil soc me te vino yu'une, parte me a te ya yich' chiq'uel scojt'ol jujun c'aale.

Números 28:3

“Albeya te ja'ic me majt'aniletic te ya yich' chiq'uel ta jtojol swenta quich'jibal ta muc': Jujun c'aal ma me spas falta cha'cojt' chijetic te jun ya'wilal te ma'yuc bila boloben ta sbaq'uetal.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Levítico 5:1

“Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

Levítico 6:19

Te Cajwaltic la sc'opon te Moisés, jich la yalbey:

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.

Números 4:16

Te Eleazar snich'an te sacerdote Aarón, ja' me ya swentain te aceite yu'un te ch'in c'ajq'uetic, te pom te bayal sbujts' yic', te harina ta swenta majt'aniletic cu'un te ya nix yac'ulaybonic a, soc te aceite swenta ch'ultesel. Soc ya me scanantay te Nailpac' Templo soc spisil te bitic ay yu'une —xi' te Cajwaltique.

1 Crónicas 23:29

Ay ta swentaic xchajbanel te waj ch'ultesbil te ya yich' cholel ta mesa; te harina swenta majt'anil, te juch'bil trigo soc juch'bil cebada; te jayal waj te ma ba yich'oj levadura; te majt'anil waj ya yich' ch'ilel ta sartén; soc spisil te bit'il ya yich' wots'el, soc spisil te bi ya yich' liquel yalal a, soc te p'isjibale.

Levítico 6:11

Patil ya me sjeltay te sc'u'-spaq'ue, ya me yich' bael te stanul majt'anil, ya me yac' ta yawil te lec sc'oplal ta spat te campamentoe.