Levítico 6:2 - Bible in Tzeltal de Oxchuc y Tenejapa

² —Teme ay mach'a la sta smul, teme yu'un ya sc'an slo'layon jo'on te Ajwalilone, scaj te la slo'lay te spat-xujq'ue, teme ay bi la yich'bey ta majanel, o teme ay bi la sq'uejbey, o teme ay bi la yelc'anbey, o teme la yuts'in,

Bible in Tzeltal Bachajón

² Teme ay mach'a ya sta smul, te ha ya sta falta ta stojol Jehová te bin ut'il ma ba ya ya'beyix te bin ay yu'un te spat-xuhc te a'bibil scuentahin o a'bibil hilel ta sc'ab, o te ya yelc'ambe o ya sbohlobtesbe sc'oblal te spat-xuhc,

Levítico 6:2 Referans Kwoze

Colosenses 3:9

Ma me xapas abaic ta lot juju-jtulex. Ijq'uitaya me te apocol acuxlejalique soc spisil te bila c'aemex ta spasel ta swentae.

Hechos 5:4

Te c'alal ay to ta awenta a te q'uinale, ¿ma bal awu'unuc? Soc te c'alal la achone, ¿ma bal ja'ucat awu'un te stojole? ¿Bistuc jich la anop ta awo'tan? Ma ja'uc la apas ta lot te winique, ja' la apas ta lot te Diose —xi' te Pedroe.

Proverbios 24:28

Ma me xatojol-lebey smul apat-axujc', soc ma me x'ochat ta lotil testigoil.

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Habacuc 1:13

Te ja'ate c'ax jelawen awutsilal, ma snujp'in ya awil te bitic ma lecuque; ma lecuc awo'tan yu'un te mulile. ¿Bi yu'unix a jiche te ma'yuc bila ya awalbey te j'uts'inwanejetique, te ma xc'opojat yu'un ta stojol te mach'a c'ax amen yo'tanic te yac ta slajinel te mach'atic ma pajaluc yo'tanic soque?

Amós 8:5

jich ya awalic: —¿Bi c'aalil ya xc'ax te q'uin yu'un te yach'il u, swenta yu'un ya xju' jchontic a te trigo? ¿Bi c'aalil ya xc'ax te sc'aalelal cux-o'tan, swenta yu'un toyol xan stojol ya jchontic a te jtrigotique? Ya me jtuuntestic te ma ts'acaluc sp'isol soc te ma ts'acaluc kilo,

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Isaías 33:1

¡Ya me awil awocol jinwanej te ma ba jinbilate; ya me awil awocol j'ac'wanej ta c'abal, te ma ba ac'bilat ta c'abal te ja'ate! C'alal ya xlaj awo'tan ta jinwanej, ya me awich' jinel; c'alal ya xlaj awo'tan ta ac'wanej ta c'abale, ya me awich' aq'uel ta c'abal te ja'ate.

Isaías 24:16

C'alal ta sti'il balumilal ya caiytic stojol c'ayoj te jich ya yale: “¡Ay ta ich'el ta muc' te mach'a toj yo'tane!” xi'. Ja'uc me to, la cal: “¡Ay, obol nax me jba! Te mach'atic ya x'ac'awan ta c'abale, muquen ya spasic”, la cut.

Isaías 21:2

Xiweltic nax me sba te bila la yac'bon quil te Diose: Te mach'a muquen ya yac' ta c'abale, muquen me ya yac' ta c'abal abi, te mach'a jinwaneje, ya me xjinawan abi. Jajch'an, Elam. Wilumtaya, ja'ex mediaetic. Ma xcac' te ya xtal sc'anic xan parte.

Proverbios 26:19

jich c'oem te mach'a ya slo'lay te spat-xujc', soc te ya yalbey te tajimal nax aye.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Levítico 5:19

Ja' te milbil majt'anil yu'un te mach'a ya sta smul te ya xju' ta jeltayel melel ja' in to staoj falta ta jtojol jo'on te Ajwalilone —xi'.

Génesis 26:7

Te winiquetic ayic tey a la sjojc'obeyic bi yutoj te ants sjoineje, ja' te yiname. La sjac' te Isaac: —Quijts'in-ach'ix —xi'. Yu'un la xi' te ya yalbey yaiy te bit'il yinam, melel la yal ta yo'tan teme ya xmilot yu'un te winiquetic ta scaj te Rebeca te melel buen t'ujbil ants.

Levítico 6:1

Te Cajwaltic la sc'opon te Moisés, jich la yalbey:

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Ezequiel 40:46

Te cuarto te ay bael ta stojol norte, ja' yu'unic te sacerdoteetic ya yac' sbaic ta abatinel ta scajtijib ta chiq'uel smajt'an te Diose. Ja'ic te patil alnich'anetic yu'un Sadoc. Mero ja'ic nax me te ya xju' ya xnoptsajic ta abatinel ta stojol Cajwaltic te levitaetic in to —xi'.