Levítico 6:17 - Bible in Tzeltal de Oxchuc y Tenejapa

¹⁷ Ma me xju' ya yich' payel soc levadura. Ja'ic cac'ojbeyic yu'un ya xc'ot ta swentaic te bay c'alal ya xjil te chic'bil majt'anil cu'un te bila mero ch'ultesbile. Ja' nix jich te bit'il milbil majt'anil yu'un te mach'a ya sta smule, soc milbil majt'anil yu'un te mach'a ya yaiy lo'laywanej.

Bible in Tzeltal Bachajón

¹⁷ Ma ba ya yich' ta'ajtesel soc levadura. Ha ca'beyej te Aarón soc te snich'nab te jayeb hilem yu'un te chic'bil mahtanil cu'une; ha mero ch'ultesbil, hich te bin ut'il te milbil mahtanil yu'un mulil soc te milbil mahtanil yu'un stahel falta.

Levítico 6:17 Referans Kwoze

Levítico 6:25

—Ac'beya sna'ic te Aarón soc snich'nab te bit'il ya sc'an ya spasic te milbil majt'anil yu'un te mach'a ya sta smule, jich me xawalbey: “Te chambalam ya yac' ta majt'anil te mach'a ya sta smule, ya me yich' bojel snuc' ta jtojol jo'on te Ajwalilon ta yawil te banti ya yich' milel te chambalametic yu'un ya yich'ic chiq'uele, melel ja' mero ch'ultesbil.

Levítico 2:11

“Ma me xawac'beyic slevadurail te majt'anil harina te ya awac'bonic jmajt'anin jo'on te Ajwalilon, melel ma xju' ya achic'bon jmajt'anin ni levadura, ni chab.

Levítico 2:3

Te bay c'alal ya xjil xan te jmajt'ane, te ja' mero ch'ultesbil te c'axem jich a te bit'il yantic jmajt'an te ya yich' chiq'uel ta swenta quich'el ta muc' jo'on, ja' me yu'un stuquel te Aarón soc te patil alnich'anetic yu'une.

Levítico 7:1

“Te majt'aniletic yu'un te mach'a ay sfalta scaj te la yu'unin te bila ma yu'unuque, mero ch'ultesbilic me stuquel. Jich me ya yich' pasel:

Levítico 6:29

“Ja' milbil majt'anil in to, ja' mero ch'ultesbil stuquel. Ja' nax me ya xju' ya swe'elinic te sacerdoteetique.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.

Levítico 7:6

Ta spisil te sacerdoteetic ya xju' ya swe'elinic, pero ya me sc'an te ya swe'ic ta yawil te ch'ultesbile, melel ja' te mero ch'ul majt'anile.

Éxodo 40:10

Te scajtijib ta chiq'uel milbil jmajt'an balanbeya aceite uuc swenta ch'ultesel soc spisil te bitic ay yu'une. Jich me ya cu'unin soc mero xch'ul scajtijib ta chiq'uel milbil jmajt'an ya xc'ot.

Éxodo 29:37

Juqueb me c'aal ya achic'ulay ta sba te scajtijib te milbil jmajt'an yu'un te mulile. Jich me ya xlecub ta jtojol jo'on te Dioson awu'unique, soc jich me mero muc' ch'ultesbil scajtijib jmajt'an ya xc'ot. Biluc a, soc mach'auc a, te ya xtal spic, ch'ultesbil me ya xc'ot cu'un.

Levítico 6:26

Te sacerdote ya yac' te majt'anil yu'un mach'a la sta smule, ya xju' ya swe'elin, pero ya me sc'an ya swe' ta yawil te ch'ultesbil ta yamac'ul te Nailpac' te banti ya quich' c'oponele.

Levítico 7:7

“Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.

Levítico 10:16

Te Moisés la sjojc'obey: —¿Banti ay te tentsun ya yich' milel swenta mulile? —xi'. La yaiy te la yich'ix chiq'uele. Jich ilin ta stojolic te Eleazar soc te Itamar, te cheb xan snich'nab Aarón jileme, jich la yalbey: