Levítico 6:13 - Bible in Tzeltal de Oxchuc y Tenejapa

¹³ Te c'ajc' ay ta scajtijib ta chiq'uel majt'anile, ya me sc'an te spisil ora yac ta tilel, ma me ayuc bi ora ya xtup'.

Bible in Tzeltal Bachajón

¹³ Spisil ora ya me xtihl te c'ahc' ta scajtajib ta chiq'uel mahtanil; ma me ayuc bin ora ya xtup'.

Levítico 6:13 Referans Kwoze

Levítico 6:9

—Ac'beya sna' te Aarón soc te snich'nab te bit'il ya sc'an ya spasic te majt'aniletic te scojt'ol ya yich' chiq'uele, jich me xawalbey: “Te chambalam ya yich' milel, ya me yich' aq'uel jilel sjunal ajc'ubal ta sba ac'al ta scajtijib, swenta yu'un ya xchic'ot yu'un a te c'ajq'ue.

Levítico 6:12

“Te c'ajc' ya xtil ta scajtijib ta chiq'uel majt'anile, ma me ayuc bi ora ya xtup'. Te sacerdote ya me yac'bey si'il ta jujun sab ta spisil ora, soc ya me scajanbey moel ta sba te chambalam ya yich'ix chiq'uele, soc ya me xchic'bey ta scajtijib te xepuil te chambalametic yich'ojic milel swenta lamal-o'tanile.

Levítico 6:14

“Ac'beya sna'ic te bit'il ya sc'an ya spasic te majt'anil harina: Te sacerdoteetic ya me yac'bonic ta jtojol jo'on te Ajwalilon ta banti scajtijib ta chiq'uel majt'anil.

Ezequiel 40:46

Te cuarto te ay bael ta stojol norte, ja' yu'unic te sacerdoteetic ya yac' sbaic ta abatinel ta scajtijib ta chiq'uel smajt'an te Diose. Ja'ic te patil alnich'anetic yu'un Sadoc. Mero ja'ic nax me te ya xju' ya xnoptsajic ta abatinel ta stojol Cajwaltic te levitaetic in to —xi'.

Éxodo 29:1

“Te bit'il ya jch'ultes ta abatinel te sacerdoteetic, jich me xapasbey ta stojolic: Tsaca jcojt' toro soc cha'cojt' tat chijetic te ma'yuc bila boloben ta sbaq'uetal.

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Éxodo 29:40

Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

Isaías 31:9

Ta scaj xiwel, ya me xloc' ta animal te muc' ajwalil yu'unic; te capitanetic ya me yijq'uitayic jilel te bandera yu'unique. Jich la yalbey sc'oplal te Cajwaltic, te ay chapalix c'ajc' yu'un ta Jerusalén ta swenta castigo yu'un te scontrotaque.