Levítico 6:11 - Bible in Tzeltal de Oxchuc y Tenejapa

¹¹ Patil ya me sjeltay te sc'u'-spaq'ue, ya me yich' bael te stanul majt'anil, ya me yac' ta yawil te lec sc'oplal ta spat te campamentoe.

Bible in Tzeltal Bachajón

¹¹ Patil ya sjeltay te sc'u' spac', ya yich' bahel te stanul ta fuera yu'un te campamento ta lugar te ma ba bohloben sc'oblal.

Levítico 6:11 Referans Kwoze

Ezequiel 44:19

Ma to xloq'uic ta amac' ta yutil a te banti ay yajwal te lume, ya me sloq'uesic te sc'u'ic tuun yu'unic ta at'el ta mero templo, ya me yijq'uitayic jilel ta cuartoetic ta mero templo. Ac'a slapic yan c'u'il, jich ma xpujc' bael ta stojol a te yajwal lum te yutsilal scaj te ch'ultesbile.

Levítico 4:12

ya me yich' tsobel ta spisil, ya me sloq'uesic bael ta spat te campamentoe. Ta jun awilal te lec sc'oplal te banti ya yich' ch'ayel te stanul c'ajq'ue, tey ta sba te stanul c'ajc' busule, ya me yac'beyic si'il soc ya stsumbeyic sc'aal.

Levítico 16:27

“Te toro soc te tentsun la yich'ic milel yu'un te smulique, te la yich'ic ich'el bael xch'ich'el ta yutil ch'ul awilal, swenta yu'un jich ya yich' tael a te perdón yu'un te muliletique, ya me yich' ich'el loq'uel ta spat yu'un campamento te snujc'ulel, sbaq'uetal soc te sbaal xch'ujt'e, ya me yich' chiq'uel tey a.

Levítico 4:21

Ya me sloq'uesic bael ta spat campamento te toro, ya me xchiq'uic tey a, jich nix te bit'il la yich' pasel te sbabial toro, melel ja' te milbil majt'anil swenta smul spisilic te lume.

Levítico 6:10

Te sacerdote ya me slap sc'u' soc scomol wex, pasbilic ta lino. Ya me stsobbey te stanul te chambalam la yich' chiq'uel ta sba te scajtijib, ya me yac' jilel ta xujc' te scajtijib majt'anile.

Levítico 6:12

“Te c'ajc' ya xtil ta scajtijib ta chiq'uel majt'anile, ma me ayuc bi ora ya xtup'. Te sacerdote ya me yac'bey si'il ta jujun sab ta spisil ora, soc ya me scajanbey moel ta sba te chambalam ya yich'ix chiq'uele, soc ya me xchic'bey ta scajtijib te xepuil te chambalametic yich'ojic milel swenta lamal-o'tanile.

Éxodo 29:37

Juqueb me c'aal ya achic'ulay ta sba te scajtijib te milbil jmajt'an yu'un te mulile. Jich me ya xlecub ta jtojol jo'on te Dioson awu'unique, soc jich me mero muc' ch'ultesbil scajtijib jmajt'an ya xc'ot. Biluc a, soc mach'auc a, te ya xtal spic, ch'ultesbil me ya xc'ot cu'un.

Levítico 6:20

—Ja' majt'anil ya yac' Aarón soc sts'umbal ta jtojol jo'on te Ajwalilon, te c'alal ya yich'iquix ch'ultesel swenta yu'un ya x'ochic ta sacerdoteil: Cheb kilo mero lequil harina ya me yac'bonic jmajt'anin, olil ya yac' ta sab, te yan olile ya yac' c'alal ta smalel c'aal bael, jich me ya spasic spisil ora, ma me spas falta ni junuc c'aal.

Levítico 6:22

Jich me ya sc'an te ya xchajban te muc'ul sacerdote te sts'umbal Aarón, ja' te sjelole. Te majt'anile spisil me ora jo'on cu'un stuquel, jo'on te Ajwalilone, soc mero jc'axel me ya yich' lajinel ta c'ajc' spisil.

Levítico 7:6

Ta spisil te sacerdoteetic ya xju' ya swe'elinic, pero ya me sc'an te ya swe'ic ta yawil te ch'ultesbile, melel ja' te mero ch'ul majt'anile.

Levítico 24:9

Ja' me te ya xc'ot ta swenta spisil ora te Aarón soc te patil alnich'anetic yu'une. Ya me xju' ya swe'ic te waj ta xch'ul yawil, melel te majt'aniletic ya yich' chiq'uel ta swenta quich'jibal ta muc' jo'on te Ajwalilon, ja' me te mero ch'ultesbile —xi'.