Levítico 6:10 - Bible in Tzeltal de Oxchuc y Tenejapa

¹⁰ Te sacerdote ya me slap sc'u' soc scomol wex, pasbilic ta lino. Ya me stsobbey te stanul te chambalam la yich' chiq'uel ta sba te scajtijib, ya me yac' jilel ta xujc' te scajtijib majt'anile.

Bible in Tzeltal Bachajón

¹⁰ Te sacerdote ya slap sc'u' soc scomil wex pasbilic ta lino. C'alal lajix ta c'ahq'uel a te scohtol chic'bil mahtanil ya stsobe te stanul ay ta sba te scajtajib, ya yac' hilel ta xuhc te scajtajib ta chiq'uel mahtanil.

Levítico 6:10 Referans Kwoze

Levítico 16:4

Ja' me ya slap bael te snajt'il lino c'u' ch'ultesbile, ya me smac sbaq'uetal ta scomol wex te pasbil ta lino, soc ya me xchuc bael ta xch'ujt' te chujq'uile, soc te xpixol lino-paq'ue. Ja' in to ja' te ch'ul c'u'ile, ja' yu'un neel me ya sc'an ya spoc ta ja' te sbaq'uetal te c'alal ya slape.

Apocalipsis 19:14

Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Apocalipsis 7:13

Ay jtul te mamaletic te la sjojc'obone, te jich la yalbone: —¿Mach'atic a in to te slapojic saquil sc'u'ique soc banti talemic? —xi'.

Salmos 37:20

Te mach'atic amen yo'tanic ya me xtilic jichuc taquin ac stuquelic; te mach'atic scontroinejic te Cajwaltique jich me ya xch'ayic bael te bit'il ya xch'ay bael te ch'aile.

Salmos 20:3

Ac'a sna'bat spisil te majt'aniletic awu'une, ac'a stsacbat soc sbujts' yo'tan te majt'anil te scojt'ol ya yich' chiq'uele.

Números 16:35

Te Cajwaltic la to sticun tel c'ajc' ta smilel te lajuneb yoxlajunwinic (250) te la yaq'uic te pome.

Números 16:21

—Q'ueja abaic loq'uel ta yolil te lume, ta ora nax me ya jlajin —xi'.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

Levítico 1:9

Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Levítico 4:12

ya me yich' tsobel ta spisil, ya me sloq'uesic bael ta spat te campamentoe. Ta jun awilal te lec sc'oplal te banti ya yich' ch'ayel te stanul c'ajq'ue, tey ta sba te stanul c'ajc' busule, ya me yac'beyic si'il soc ya stsumbeyic sc'aal.

Levítico 6:11

Patil ya me sjeltay te sc'u'-spaq'ue, ya me yich' bael te stanul majt'anil, ya me yac' ta yawil te lec sc'oplal ta spat te campamentoe.

Levítico 8:2

—Ic'a tel te Aarón soc te snich'nab, soc ich'a tel te c'u'iletic yu'un sacerdote, soc te aceite yu'un ch'ultesel, te toro ya yich' milel yu'un spasel perdón yu'un mulil, te cheb tat chijetic, soc te ch'in smochil waj ma'yuc slevadurail.

Ezequiel 44:19

Ma to xloq'uic ta amac' ta yutil a te banti ay yajwal te lume, ya me sloq'uesic te sc'u'ic tuun yu'unic ta at'el ta mero templo, ya me yijq'uitayic jilel ta cuartoetic ta mero templo. Ac'a slapic yan c'u'il, jich ma xpujc' bael ta stojol a te yajwal lum te yutsilal scaj te ch'ultesbile.

Levítico 2:11

“Ma me xawac'beyic slevadurail te majt'anil harina te ya awac'bonic jmajt'anin jo'on te Ajwalilon, melel ma xju' ya achic'bon jmajt'anin ni levadura, ni chab.

Levítico 6:18

Ta patil bael soc ta spisil ora, te winiquetic sts'umbal Aarón ta spisilic ya me xju' ya swe'ic ta bay c'alal ya xc'ot ta swentaic te chic'bil majt'anil cu'un jo'on te Ajwalilone. Biluc a soc mach'auc a te ya spic te majt'anile, ch'ultesbil me ya xc'ot —xi' te Cajwaltique.

Levítico 6:22

Jich me ya sc'an te ya xchajban te muc'ul sacerdote te sts'umbal Aarón, ja' te sjelole. Te majt'anile spisil me ora jo'on cu'un stuquel, jo'on te Ajwalilone, soc mero jc'axel me ya yich' lajinel ta c'ajc' spisil.

Levítico 21:22

Ya xju' ya swe' te waj cu'une, pajal sc'oplal te ch'ultesbil, soc te mero ch'ultesbile,