Levítico 4:35 - Bible in Tzeltal de Oxchuc y Tenejapa

³⁵ Ya me sloq'uesbey spisil te xepuile, jich nix te bit'il ya yich' pasel te chij ya yich' aq'uel swenta milbil majt'anil swenta lamal-o'tanile. Ya me xchic'bey te xepuil ta scajtijib majt'aniletic, ja' me ya sjoin ta chiq'uel te majt'aniletic ya yich' chiq'uel ta swenta quich'el ta muc' jo'on te Ajwalilone. Te sacerdote jich ya stabey a te perdón yu'un smul te mach'a staoj smul, soc jich me pasbil perdón ya xc'ot a.

Bible in Tzeltal Bachajón

³⁵ Ya sloq'uesbe spisil te sjuhp'el, hich te bin ut'il ya yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic'be te sjuhp'el ta scajtajib ta chiq'uel mahtanil ta sba te chic'bil mahtanil ta stojol Jehová. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 4:35 Referans Kwoze

Levítico 4:26

Soc ya me xchic'bey spisil te xepuil ta sba te scajtijib jmajt'ane, jich nix te bit'il ya yich' pasel te xepuil te chambalam ya yich' milel swenta lamal-o'tanile. Te sacerdote jich me ya stabey a te perdón yu'un smul te jwentainwanej, jich me ya yich' pasel perdón te smule.

Levítico 4:20

jich me ya yich' pasel te bit'il la yich' pasel te sbabial toro la yich' milel ta swenta te mulile. Jich me ya xtabotic yu'un te sacerdote te perdón yu'un te smulique, jich me pasbil perdón ya xc'ot a te smulique.

Levítico 14:18

Te jich xan yipal ya xjil te aceite, ya me yich' jaxel ta sjol te mach'a ya yich' lecubtesel sc'oplale. Te sacerdote jich me ya stabey a te perdón yu'un smul te ya yac' te Cajwaltic ta stojol te mach'a ya yich' lecubtesel sc'oplal yu'un te xchamele.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Hebreos 4:14

Te Jesús, te Snich'an Diose, ja' mero Muc' Sacerdote cu'untic te ochemix bael ta bay ay te Diose. Jich yu'un ma me xquijq'uitaytic te bila yacotic ta xch'uunele.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Colosenses 1:14

Ja' ta swenta xch'ich'el te la sman jcoleltique, jich la spasbotic perdón yu'un te jmultique.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Romanos 10:4

Melel te Cristoe, ja' tal slajinbey sc'oplal te mandalile, swenta yu'un toj ya x'ilot yu'un Dios spisil te mach'atic ya xch'uunique.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Números 15:25

Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Levítico 14:53

Patil ya me scoltay bael ta spat lum te ch'in ja'mal mut cuxule. Jich me ya xc'ot ta pasel yu'un a te bitic chapal sc'oplal ya yich' pasel yu'un slecubtesel sc'oplal te nae —xi' te Cajwaltique.

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Levítico 9:7

Te Moisés jich la yalbey te Aarón: —Noptsajan bael ta scajtijib ta chiq'uel majt'anil, mila te majt'anil yu'un amul, soc te chambalam ya awac' ta chiq'uel scojt'ol swenta sc'anel perdón yu'un amul soc nix te smulic te israeletique. Ac'a te majt'anil yu'un israeletic swenta sc'anel perdón yu'un te smulique, jich nix te bit'il yaloj mandal te Cajwaltique —xi' te Moisese.

Levítico 5:13

Te sacerdote jich me ya stabey perdón ta stojol te mach'a staoj smule, chican te bila mulile, jich me pasbil perdón ya xc'ot a te smule. Te bay c'alal ya xjil te majt'anil harina, ja' me ya yich' te sacerdote, jich te bit'il spisil majt'anil harina.” Jich me ya awal ta stojolic —xi' te Cajwaltique.

Levítico 5:10

Te xchebale ya me yac' ta majt'anil te scojt'ol ya yich' chiq'uele, jich nix te bit'il chapale. Te sacerdote jich me ya stabey perdón yu'un te smule.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Números 15:28

Te sacerdote ya me spas ta jtojol te bit'il ya stabey perdón yu'un mulil te ma jichuc yo'tan la spase, jich ya jpasbey perdón.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Levítico 19:22

Ta swenta te chije ya x'och ta milbil majt'anil yu'un te falta staoj te winique, te sacerdote ya me sc'anbey perdón ta jtojol yu'un te falta staoj te winique. Te winic jich me ya spasbot perdón yu'un te smule.