Levítico 4:3 - Bible in Tzeltal de Oxchuc y Tenejapa

³ “Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Bible in Tzeltal Bachajón

³ Teme ha ya sta smul te sacerdote te yich'oj malel ta aceite scuenta ch'ultesel, te hich ya ya'be sta smul a te pueblo, ya me ya'be Jehová jcoht jcolel toro te mayuc bin jihnem yu'un scuenta stojel mulil yu'un te smul stahoje.

Levítico 4:3 Referans Kwoze

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Levítico 4:14

pero teme ya sna'ic ta patil te staoj smulic ta jtojole, ya me sc'an te ya yac'bon jmajt'anin jcojt' toro ta comon ta spisilic swenta milbil jmajt'an yu'un te smulique. Ya me yiq'uic bael te toro ta stojol te Nailpac' te banti ya quich' c'oponele.

Hebreos 5:3

Te bit'il jteb stael yu'un uuc te mulile, jich puersa ya yac'bey milbil smajt'an Dios yu'un uuc te smule, jich nix te bit'il ya yac'bey milbil smajt'an Dios yu'un smulic uuc te lume.

Esdras 8:35

C'alal sujt'otic tel jo'otic te namey la quijq'uitay jlumaltique, ay bitic la cac'tic yu'un chic'bil smajt'an te Dios cu'untic ta jpisiltic te israelotique. La cac'tic lajchaycojt' ch'in wacaxetic, waclajuneb yo'winic (96) ta jcojt' chijetic, juclajuneb xchanwinic (77) ta jcojt' ch'in alal chijetic soc lajchayeb tentsunetic yu'un smajt'an Dios swenta te jmultique. Spisil la yich' chiq'uel ta templo swenta yich'el ta muc' te Cajwaltique.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Ezequiel 43:19

Te sacerdote-levitaetic te patil alnich'anetic yu'un Sadoc, te ja'ic nax te ya xju' ya xnoptsajic ta jtojol yu'un ya cabatinique, ya me awac'bey jcojt' toro swenta yu'un ya yac' ta milbil majt'anil yu'un smulic. Jo'on Ajwalilon te jich caloje.

Éxodo 29:21

Te ch'ich' ya xjil ta sba te scajtijib milbil jmajt'ane, soc te aceite ta swenta te ch'ultesel, tsaca jtebuc, tsijts'anbeya ta sjol Aarón, te snich'nab soc te sc'u'-spaq'uique. Jich me ch'ultesbil ya xc'ot cu'un Aarón, soc snich'nab, soc te sc'u'-spaq'uique.

Éxodo 29:14

Yan te sbaq'uetal, te snujc'ulel soc te stsa' te toro, chic'a ta spat te acampamentoic, melel majt'anil yu'un mulil.

Éxodo 29:7

Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Números 8:8

Ac'a me stsaquic jcojt' toro soc jtebuc lequil harina wots'bil soc aceite ta swenta majt'anil harina, soc yan xan jcojt' toro ta swenta milbil majt'anil yu'un te mulile.

Levítico 16:11

“Te Aarón ya me yac' te toro swenta milbil majt'anil yu'un mulil, swenta yu'un jich ya sta a te perdón yu'un smul soc te smul te mach'atic ay yu'une.

Levítico 16:6

Ya me yac' te toro swenta milbil majt'anil yu'un smul, swenta yu'un jich ya sta te perdón yu'un smul soc nix te smul te mach'atic ay yu'une.

Levítico 8:12

Te Moisés la smalbey ta sjol Aarón te aceite yu'un ch'ultesele, swenta yu'un jich ch'ultesbil yu'un Dios ta sacerdoteil a.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Levítico 4:5

Patil ja' nix me ya yich'bey bael jtebuc xch'ich'el te toro, ya me yich' bael ta yutil te Nailpac' te banti ya quich' c'oponele.

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Levítico 4:28

Teme ya sna' ta patil te staoj smule, ya me sc'an te ya yic' bael jcojt'uc me' tentsun te ma'yuc bila boloben ta sbaq'uetal, ya me yac' swenta majt'anil yu'un te smul staoje.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

2 Crónicas 29:21

La yiq'uic bael ta stojol Dios juqueb toroetic, juqueb tat chijetic, juqueb chijetic soc juqueb tentsunetic, ja' majt'aniletic yu'un stojel mulil ta swenta te mach'atic ay yu'un te muc' ajwalile, ta swenta te templo, soc ta swenta Judá. Te muc' ajwalil la spas ta mandal te sacerdoteetic te sts'umbal te namey q'uinal Aarón, te ya yac'beyic ta chiq'uel ta sba scajtijib smajt'an te Cajwaltique.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 6:18

Ta patil bael soc ta spisil ora, te winiquetic sts'umbal Aarón ta spisilic ya me xju' ya swe'ic ta bay c'alal ya xc'ot ta swentaic te chic'bil majt'anil cu'un jo'on te Ajwalilone. Biluc a soc mach'auc a te ya spic te majt'anile, ch'ultesbil me ya xc'ot —xi' te Cajwaltique.

Levítico 9:3

Te israeletic albeya, ac'a stsaquic tel jcojt' tat tentsun swenta milbil majt'anil yu'un mulil, jcojt' toro soc jcojt' chij, pero ja' me te c'axem ta jun ja'wile, ja'ic me te ma'yuc bila boloben ta sbaq'uetal, swenta yu'un ya me yich' aq'uel ta swenta majt'anil te scojt'ol ya yich' chiq'uel,

Levítico 16:3

Te Aarón ya me x'och bael ta yutil te ch'ul awilal, pero ya me yic' tel jcojt' toro swenta milbil majt'anil yu'un mulil, soc jcojt' tat chij swenta yu'un ya x'och ta majt'anil te scojt'ol ya yich' chiq'uele.

Levítico 16:5

“Ta swenta israeletic ya me yich'bey cheb tat tentsunetic te Aarón swenta majt'anil yu'un smulic, soc jcojt' tat chij swenta majt'anil te scojt'ol ya yich' chiq'uele.

Ezequiel 40:39

Tey ta muc'ul cuarto yu'un ochibal ay chaneb mesaetic tey a, cheb ayic ta juju-jejch'. Ta sba te mesaetic ya smilic te chambalametic te ya yich'ic chiq'uel scojt'ole, soc te ya yich' milel ta swenta mulil, soc ta swenta falta te staojique.

Ezequiel 44:27

Te c'alal ya xcha'ochic xan ta yamac'ul ta yutil templo, ya me xju' ya spasic xan te yat'elique, pero neel me ya yaq'uic jcojt' milbil majt'anil yu'un te smulique. Jo'on Ajwalilon te jich caloje.