Levítico 4:28 - Bible in Tzeltal de Oxchuc y Tenejapa

²⁸ Teme ya sna' ta patil te staoj smule, ya me sc'an te ya yic' bael jcojt'uc me' tentsun te ma'yuc bila boloben ta sbaq'uetal, ya me yac' swenta majt'anil yu'un te smul staoje.

Bible in Tzeltal Bachajón

²⁸ C'alal ya sna' ta patil te stahoj smul, ya me yac' scuenta mahtanil jcoht yantsilel tentsun te mayuc bin jihnem yu'un, scuenta mahtanil yu'un stojel smul stahoj.

Levítico 4:28 Referans Kwoze

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Levítico 4:32

“Teme ja' yic'oj tel jcojt' chij jmajt'anin yu'un te smule, ya me sc'an ja' ya yic' tel te me' chij te ma'yuc bila boloben ta sbaq'uetal.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Levítico 4:14

pero teme ya sna'ic ta patil te staoj smulic ta jtojole, ya me sc'an te ya yac'bon jmajt'anin jcojt' toro ta comon ta spisilic swenta milbil jmajt'an yu'un te smulique. Ya me yiq'uic bael te toro ta stojol te Nailpac' te banti ya quich' c'oponele.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Salmos 90:8

Te jmultic soc te jboliltic jamal chican ta ilel ta atojol.