Levítico 4:26 - Bible in Tzeltal de Oxchuc y Tenejapa

²⁶ Soc ya me xchic'bey spisil te xepuil ta sba te scajtijib jmajt'ane, jich nix te bit'il ya yich' pasel te xepuil te chambalam ya yich' milel swenta lamal-o'tanile. Te sacerdote jich me ya stabey a te perdón yu'un smul te jwentainwanej, jich me ya yich' pasel perdón te smule.

Bible in Tzeltal Bachajón

²⁶ Soc ya schic'be spisil te sjuhp'el ta sba te scajtajib ta chiq'uel mahtanil, hich te bin ut'il te sjuhp'el te milbil mahtanil scuenta lamal q'uinal. Te sacerdote hich ya spasbe te stojel mulil yu'un, hich ya sta perdón a.

Levítico 4:26 Referans Kwoze

Levítico 4:20

jich me ya yich' pasel te bit'il la yich' pasel te sbabial toro la yich' milel ta swenta te mulile. Jich me ya xtabotic yu'un te sacerdote te perdón yu'un te smulique, jich me pasbil perdón ya xc'ot a te smulique.

Números 15:28

Te sacerdote ya me spas ta jtojol te bit'il ya stabey perdón yu'un mulil te ma jichuc yo'tan la spase, jich ya jpasbey perdón.

Levítico 5:10

Te xchebale ya me yac' ta majt'anil te scojt'ol ya yich' chiq'uele, jich nix te bit'il chapale. Te sacerdote jich me ya stabey perdón yu'un te smule.

Levítico 4:35

Ya me sloq'uesbey spisil te xepuile, jich nix te bit'il ya yich' pasel te chij ya yich' aq'uel swenta milbil majt'anil swenta lamal-o'tanile. Ya me xchic'bey te xepuil ta scajtijib majt'aniletic, ja' me ya sjoin ta chiq'uel te majt'aniletic ya yich' chiq'uel ta swenta quich'el ta muc' jo'on te Ajwalilone. Te sacerdote jich ya stabey a te perdón yu'un smul te mach'a staoj smul, soc jich me pasbil perdón ya xc'ot a.

Levítico 4:31

Soc ya me sloq'uesbey te xepuile, jich nix te bit'il ya yich' pasel te chambalam ya yich' aq'uel swenta milbil majt'anil swenta lamal-o'tanile. Te xepuile ya me yich' chiq'uel ta scajtijib majt'anil, te bujts'an yic' ta jtojol te Ajwalilone. Te sacerdote jich me ya stabey perdón yu'un smul te mach'a staoj smule, soc jich me pasbil perdón ya xjil a te smule.

Levítico 3:5

Te sacerdoteetic ya me xchiq'uic spisil ta scajtijib te jmajt'ane, ja' nix ya sjoin ta chiq'uel te chambalam te yac ta tilel soc te si'e, swenta chic'bil jmajt'an te buen bujts'an yic' ta jtojol jo'on te Ajwalilone.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

Levítico 5:18

Ja' yu'un ya me stsac jcojt' xchij, ja' me te ma'yuc bila boloben ta sbaq'uetal. Te stojole ja'at ni me ya atsajtaybey. Ya me yich'bey bael ta stojol sacerdote swenta milbil majt'anil, swenta yu'un jich me ya sta a te perdón yu'un smul te mach'a la sta falta te ma sna' te la sta smule, jich me pasbil perdón ya xc'ot te smule.

Levítico 5:16

Ja' te mach'a la sta smul ta swenta te bit'il la scom sba ta yaq'uel te bila ch'ultesbil cu'une, ya me stoj, soc ya me yac' xan jun ta jo'jo'eb te stojole. Te jayeb ya xloq'ue, ya me yac'bey ta sc'ab te sacerdote. Te sacerdote ya me stabey perdón yu'un te falta staoj te mach'a ya yac' te chij ya yich' milel yu'un te smule, jich me pasbil perdón ya xjil yu'un a te falta staoje.

Levítico 5:13

Te sacerdote jich me ya stabey perdón ta stojol te mach'a staoj smule, chican te bila mulile, jich me pasbil perdón ya xc'ot a te smule. Te bay c'alal ya xjil te majt'anil harina, ja' me ya yich' te sacerdote, jich te bit'il spisil majt'anil harina.” Jich me ya awal ta stojolic —xi' te Cajwaltique.

Levítico 1:4

Ya me scajan sc'ab ta sjol te chambalam, jich me ya stsacbot te chambalam ya yac', swenta spasbeyel perdón yu'un te muliletic ay ta swenta.

Levítico 4:19

Soc te toro, ya me sloq'uesbey spisil te xepuil, ya me xchiq'uic ta scajtijib majt'anil,

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Levítico 14:18

Te jich xan yipal ya xjil te aceite, ya me yich' jaxel ta sjol te mach'a ya yich' lecubtesel sc'oplale. Te sacerdote jich me ya stabey a te perdón yu'un smul te ya yac' te Cajwaltic ta stojol te mach'a ya yich' lecubtesel sc'oplal yu'un te xchamele.

2 Crónicas 29:24

Ta patil te sacerdoteetic la smilic te chambalametic, soc la smalbeyic xch'ich'el ta scajtijib majt'anil yu'un smulic, swenta yu'un jich me ya staic perdón yu'un smulic ta spisil Israel, melel la yalix mandal te muc' ajwalil te jich ya yich' chiq'uel majt'anil ta swenta spisil te Israele.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Levítico 17:11

Melel spisil te bitic cuxulique, ja' cuxul a te xch'ich'el ay ta sbaq'uetale. Jo'on cac'ojbeyex ta scajtijib ta chiq'uel majt'anil te xch'ich'el te chambalame, melel ja' ta swenta te ch'ich' te ya atojic a te ya xcol te acuxlejalique, melel ta swenta ch'ich' ya xtojob scolel te acuxlejale.

Levítico 19:22

Ta swenta te chije ya x'och ta milbil majt'anil yu'un te falta staoj te winique, te sacerdote ya me sc'anbey perdón ta jtojol yu'un te falta staoj te winique. Te winic jich me ya spasbot perdón yu'un te smule.

Números 15:25

Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Ezequiel 43:22

Ta xchebal c'aal ya me awac' majt'anil, ja' te majt'anil yu'un te mulile. Tentsun te ma'yuc bila boloben ta sbaq'uetal te ya awaq'ue. Te sacerdoteetic ya me slecubtes te scajtijib ta chiq'uel majt'anile, jich ni me ya spasic te bit'il la spasbeyic te toroe.