Levítico 4:25 - Bible in Tzeltal de Oxchuc y Tenejapa

²⁵ Jich te sacerdote ya me stsac ta yal sc'ab jtebuc te xch'ich'el chambalam yich'oj milel ta swenta te mulile, ya me xjaxbey ta xulubiletic yu'un te scajtijib majt'anil, patil te ch'ich' ya xjile, ya me smalbey ta yacan te scajtijib ta chiq'uel majt'anile.

Bible in Tzeltal Bachajón

²⁵ Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:25 Referans Kwoze

Levítico 4:34

Jich te sacerdote ya me stsac jtebuc ta yal sc'ab te xch'ich'el te chambalam la yich' milel yu'un te mulile, ya me xjaxbey ta xulubiletic yu'un te scajtijib majt'anile. Ta spisil te ch'ich' ya xjile, ya me smalbey ta yacan te scajtijib ta chiq'uel majt'anile.

Levítico 4:30

Jich te sacerdote ya me stsac jtebuc ta yal sc'ab te ch'ich'e, ya me xjaxbey ta xulubiletic yu'un te scajtijib majt'anile. Spisil te xch'ich'el ya xjile, ya me smalbey ta yacan te scajtijib ta chiq'uel te majt'anile.

Levítico 4:18

Ya me xjax ta ch'ich' te xulubiletic yu'un te scajtijib ta chiq'uel pom te ay ta jtojol ta Nailpac' te banti ya quich' c'oponele. Ta spisil te ch'ich' ya xjile, ya me smalbey ta yacan te scajtijib majt'anil, te ay ta stojol yochibal te Nailpac' te banti ya quich' c'oponele.

Levítico 4:7

Soc ya me xjaxbey jtebuc ch'ich' te xulubiletic yu'un te scajtijib ta chiq'uel pom, te ay ta jtojol ta Nailpac' te banti ya quich' c'oponele. Spisil te xch'ich'el ay to ya xjile, ya me smalbey ta yacan te scajtijib ta chiq'uel majt'anil, te ay ta stojol te yochibal Nailpac' te banti ya quich' c'oponele.

Levítico 9:9

Te snich'nab te Aarón la yich'ic tel ta sts'eel te xch'ich'ele. Jich te Aarón la smul sbic'tal sc'ab ta ch'ich', la xjax ta xulubiletic yu'un te scajtijib ta chiq'uel majt'anile. Te sobrail xan jil te ch'ich'e, la smal ta sjoyobal ta yacan te scajtijib ta chiq'uel majt'anile.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.

Romanos 10:4

Melel te Cristoe, ja' tal slajinbey sc'oplal te mandalile, swenta yu'un toj ya x'ilot yu'un Dios spisil te mach'atic ya xch'uunique.

Isaías 40:21

¿Yu'un bal ma x'ana'ic te ja'exe? ¿Ma bal awaiyojuc stojol ta alel sc'oplal? ¿Ma bal la yalbeyex awaiyic ta xjajch'ibal tel? ¿Yu'un bal ma c'oemuc ta awo'tan te c'alal chicnaj te balumilale?

Levítico 16:18

ya me xloc' bael ta slecubtesel sc'oplal te scajtijib ta chiq'uel majt'anil te ay ta jtojol jo'on te Ajwalilone. Ya me stsac jtebuc te xch'ich'el toro soc te xch'ich'el tat tentsun, ya me xjaxbey ta xchanebal xulubil yu'un te ay ta sjoyobal te scajtijib ta chiq'uel majt'anile.

Levítico 8:15

Te Moisés la sbojbey snuc'. Patil la smul ta ch'ich' te sbic'tal sc'ab, la xjaxbey ta xulubiletic yu'un ta sjoyobal te scajtijib ta chiq'uel majt'anil, swenta yu'un jich ya yich' lecubtesel sc'oplal a. Te ch'ich' ay to jile, la smalbey ta yacan te scajtijib majt'anile. Jich la yich' ch'ultesel yu'un Dios a, swenta yu'un tey ya yich' c'anel a te perdón yu'un te muliletique.

Levítico 8:10

Patil te Moisés la stsac te aceite swenta ch'ultesel, la smal ta Nailpac' Templo, soc ta sba spisil te bitic ayic ta yutile, jich la yich' ch'ultesel yu'un Dios.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

Levítico 4:24

Ya me scajan sc'ab ta sjol te tat tentsun, ya me sbojbey snuc' ta jtojol ta yawil te banti ya yich' milel te chambalametic yu'un ya xba yich'ic chiq'uel, melel ja' milbil majt'anil ta swenta te mulile.

Éxodo 29:12

Mula ta sbic'tal ac'ab jtebuc te xch'ich'el toro, jaxbeya ta xulubil scajtijib ta chiq'uel te jmajt'ane. Spisil te ch'ich' ya spas jilel sobra, mala ta yacan te scajtijib jmajt'ane.

Levítico 5:9

Ora me ya stsijts'an jtebuc te xch'ich'el milbil majt'anil ta xujc' te scajtijib ta chiq'uel jmajt'ane. Te sobra ya xjil te ch'ich'e, ya me spits'bey ta yacan te scajtijib ta chiq'uel jmajt'ane, melel ja' te milbil majt'anil yu'un te mulile.

Levítico 17:11

Melel spisil te bitic cuxulique, ja' cuxul a te xch'ich'el ay ta sbaq'uetale. Jo'on cac'ojbeyex ta scajtijib ta chiq'uel majt'anil te xch'ich'el te chambalame, melel ja' ta swenta te ch'ich' te ya atojic a te ya xcol te acuxlejalique, melel ta swenta ch'ich' ya xtojob scolel te acuxlejale.