Levítico 4:23 - Bible in Tzeltal de Oxchuc y Tenejapa

²³ Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Bible in Tzeltal Bachajón

²³ C'alal ya sna' ta patil te stahoj smul, ya me yac' scuenta mahtanil jcoht tat tentsun te mayuc bin jihnem yu'une.

Levítico 4:23 Referans Kwoze

Levítico 4:14

pero teme ya sna'ic ta patil te staoj smulic ta jtojole, ya me sc'an te ya yac'bon jmajt'anin jcojt' toro ta comon ta spisilic swenta milbil jmajt'an yu'un te smulique. Ya me yiq'uic bael te toro ta stojol te Nailpac' te banti ya quich' c'oponele.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Números 29:19

Ya me yich' aq'uel jcojt' tentsun swenta milbil majt'anil yu'un te mulile. Parte me a te yantic chambalam te scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.

Números 29:16

Ya me awaq'uic xan jcojt' tentsun ta swenta milbil majt'anil yu'un te mulile. Parte me a te yantic chambalam scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.

Números 29:11

Soc ya me awaq'uic jcojt' tentsun ta milbil majt'anil yu'un mulil. Parte me a te chambalam ya yich' milel ta mero Sc'aalelal Perdón, soc te chambalam te scojt'ol ya yich' chiq'uel swenta jujun c'aal soc te sjoy ta majt'anil, ja' te harina soc vino.

Números 29:5

Soc ya me awaq'uic jcojt' tentsun swenta milbil majt'anil te ya yich' tael perdón yu'un a te amulique.

Números 28:30

Soc ya me awaq'uic jcojt' tentsun, ja' me milbil majt'anil te ya yich' tael perdón yu'un a te amulique.

Números 28:15

Parte me te ya yich'ulay chiq'uel scojt'ol jujun c'aal. Soc ya me awac'bonic jo'on te Ajwalilon, jcojt' tentsun te milbil majt'anil yu'un mulil, soc me te majt'anil vino.

Números 15:24

“Teme ay bi ora ya xch'ay ta yo'tanic spasel te jmandal spisil te lume, spisil te lume ya yac'bonic jcojt' toro te ya yich' chiq'uel te buen bujts'an yic', soc ya me sjoin harina soc te vino, jich bit'il caloj mandal jo'on te Dioson. Soc xan yan, ya me yac'bonic jmajt'anin jcojt' tentsun ta swenta milbil majt'anil yu'un te mulile.

Números 7:16

jcojt' tentsun swenta milbil majt'anil yu'un te mulile;

Levítico 23:19

“Soc ya me awaq'uic jcojt' tat tentsun swenta milbil majt'anil yu'un amulic, soc cheb tat chij swenta jun ya'wilalic yu'un milbil majt'anil swenta lamal-o'tanil.

Levítico 9:3

Te israeletic albeya, ac'a stsaquic tel jcojt' tat tentsun swenta milbil majt'anil yu'un mulil, jcojt' toro soc jcojt' chij, pero ja' me te c'axem ta jun ja'wile, ja'ic me te ma'yuc bila boloben ta sbaq'uetal, swenta yu'un ya me yich' aq'uel ta swenta majt'anil te scojt'ol ya yich' chiq'uel,

Levítico 5:4

“Teme ay mach'a ora nax ay bila ya stojol lom ta alel te ay bila ya spase, teme leque, o teme ma lecuque (biluc a te ya yal ta ora nax, te ma neeluc ya snop ta leque) pero teme ma ba ya sna' ta ora, teme patilix ya sna'e, puersa me staoj smul ya xc'ot yu'un, chican biluc a te ya slom ta alele.

Levítico 4:28

Teme ya sna' ta patil te staoj smule, ya me sc'an te ya yic' bael jcojt'uc me' tentsun te ma'yuc bila boloben ta sbaq'uetal, ya me yac' swenta majt'anil yu'un te smul staoje.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 4:24

Ya me scajan sc'ab ta sjol te tat tentsun, ya me sbojbey snuc' ta jtojol ta yawil te banti ya yich' milel te chambalametic yu'un ya xba yich'ic chiq'uel, melel ja' milbil majt'anil ta swenta te mulile.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Salmos 90:8

Te jmultic soc te jboliltic jamal chican ta ilel ta atojol.

Ezequiel 43:22

Ta xchebal c'aal ya me awac' majt'anil, ja' te majt'anil yu'un te mulile. Tentsun te ma'yuc bila boloben ta sbaq'uetal te ya awaq'ue. Te sacerdoteetic ya me slecubtes te scajtijib ta chiq'uel majt'anile, jich ni me ya spasic te bit'il la spasbeyic te toroe.