Levítico 4:19 - Bible in Tzeltal de Oxchuc y Tenejapa

¹⁹ Soc te toro, ya me sloq'uesbey spisil te xepuil, ya me xchiq'uic ta scajtijib majt'anil,

Bible in Tzeltal Bachajón

¹⁹ Soc ya me sloq'uesbe spisil te sjuhp'el, ya schic' ta scajtajib ta chiq'uel mahtanil.

Levítico 4:19 Referans Kwoze

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Números 15:25

Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Levítico 14:18

Te jich xan yipal ya xjil te aceite, ya me yich' jaxel ta sjol te mach'a ya yich' lecubtesel sc'oplale. Te sacerdote jich me ya stabey a te perdón yu'un smul te ya yac' te Cajwaltic ta stojol te mach'a ya yich' lecubtesel sc'oplal yu'un te xchamele.

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Levítico 4:35

Ya me sloq'uesbey spisil te xepuile, jich nix te bit'il ya yich' pasel te chij ya yich' aq'uel swenta milbil majt'anil swenta lamal-o'tanile. Ya me xchic'bey te xepuil ta scajtijib majt'aniletic, ja' me ya sjoin ta chiq'uel te majt'aniletic ya yich' chiq'uel ta swenta quich'el ta muc' jo'on te Ajwalilone. Te sacerdote jich ya stabey a te perdón yu'un smul te mach'a staoj smul, soc jich me pasbil perdón ya xc'ot a.

Levítico 4:31

Soc ya me sloq'uesbey te xepuile, jich nix te bit'il ya yich' pasel te chambalam ya yich' aq'uel swenta milbil majt'anil swenta lamal-o'tanile. Te xepuile ya me yich' chiq'uel ta scajtijib majt'anil, te bujts'an yic' ta jtojol te Ajwalilone. Te sacerdote jich me ya stabey perdón yu'un smul te mach'a staoj smule, soc jich me pasbil perdón ya xjil a te smule.

Levítico 4:26

Soc ya me xchic'bey spisil te xepuil ta sba te scajtijib jmajt'ane, jich nix te bit'il ya yich' pasel te xepuil te chambalam ya yich' milel swenta lamal-o'tanile. Te sacerdote jich me ya stabey a te perdón yu'un smul te jwentainwanej, jich me ya yich' pasel perdón te smule.