Levítico 3:9 - Bible in Tzeltal de Oxchuc y Tenejapa

⁹ “Te mach'a ya yac' chambalam te milbil jmajt'an swenta lamal-o'tanile, ya me sc'an ya yac'bon ta jtojol swenta me chic'bil jmajt'an te xepuile, xch'ixil te sne c'alal to ta banti mero loq'uem tel te ya yich' set'ele, te xepuil macal a te sbiquile,

Bible in Tzeltal Bachajón

⁹ Ta banti te milbil mahtanil scuenta lamal q'uinal, ya ya'be Jehová scuenta chic'bil mahtanil te sjuhp'el, sch'ixil te sne ya yich' set'el ta banti colem tal, te sjuhp'el macal sbiquil a soc te sjuhp'el yutil sch'uht,

Levítico 3:9 Referans Kwoze

Levítico 9:19

Soc ac'bot nix te xepuil te wacax soc te chije, soc nix te sne, te xepuil smajq'uil te sbiquile, te sriñon, soc te xepuil ay ta sejc'ube,

Éxodo 29:22

“Tsaca te xepuil tat chij te ay ta sne, te ay ta sbiquil soc ta sejc'ub, soc ta xchebal te sriñon te potsbil ta xepuile, soc te swa'el scube, melel te tat chije ja' swentail te yu'un ay mach'a ya x'och ta ch'ultesel ta sacerdoteil a.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Levítico 8:25

Te Moisés la stsacbey te xepuile, te sne, te xepuil ay ta yutil xch'ujt', soc te xepuil ay ta sba te sejc'ub, ta xchebal te sriñon soc te xepuile, soc te swa'el ya'.

Levítico 7:3

Ya me yich' aq'uel ta majt'anil spisil te xepuil te chambalame: ja' te ay ta sne, soc te macal a te sbiquile,

Levítico 17:5

Te chambalametic ma me smilic ta yol q'uinal te israeletic te ya yac'bonic jmajt'anin, jo'on te Ajwalilone. Ya me sc'an ya yiq'uic bael ta stojol sacerdote ta yochibal Nailpac' te banti ya quich' c'oponele, swenta yu'un ya yac'bon jmajt'anin, ja' me te milbil majt'anil swenta lamal-o'tanile.

Números 7:88

Te chambalametic ta swenta milbil majt'anil swenta seña lamal-o'tanil, ta spisil ay chaneb xcha'winic (24) ta jcojt' toroetic, oxwinic (60) tat chijetic, oxwinic (60) tat tentsunetic soc oxwinic (60) chijetic te jun ya'wilale. Ja' majt'aniletic la yich' aq'uel te bi ora la yich' ch'ultesel te scajtijib ta chiq'uel majt'anil yu'une. Ja' la yich' aq'uel te c'alal ju'ix ta jaxel ta aceite swenta ch'ultesel te scajtijib majt'anile.

1 Samuel 10:8

Neelajan bael ta Gilgal, patil ya me xboon. Tey me ya xc'o jta jbajtic a, swenta yu'un ya me cac'bey chic'bil smajt'an soc milbil smajt'an Dios swenta seña te lamal-o'tanile. Ya me amaliyon juqueb c'aal tey a ja' to teme c'oone, soc teme la calbat te bila ya sc'an ya apase —xi' te Samuele.

2 Samuel 6:17

Te cajón yu'un Cajwaltic c'o yaq'uic ta yawil ta yutil nailpac' te chajbanbil yu'un te David. Te David ora la yac'bey chic'bil smajt'an soc milbil smajt'an swenta seña lamal-o'tanil ta stojol Cajwaltic.

1 Reyes 3:15

C'alal wijc' sit te Salomón, la sna' te bila la swaichine. C'alal c'ot ta Jerusalén, bajt' ta stojol te scajonil trato yu'un te Cajwaltique. Ba yac'bey chic'bil milbil smajt'an Dios soc milbil smajt'an swenta lamal-o'tanil, soc la stsob ta we'el ta spisil te jayeb j'at'eletic yu'une.

1 Reyes 8:63

Te Salomón la yac'bey smajt'anin Cajwaltic cheb xcha'winic ta jmil (22,000) toroetic, wacwinic ta jmil (120,000) chijetic milbil smajt'an Dios swenta lamal-o'tanil. Jich la yaq'uic ta stojol Dios te templo te muc' ajwalil soc ta spisil te israeletique.

1 Reyes 8:64

Ja' nix ta yorail a, te muc' ajwalil la xch'ultes te yolil te amac' te ay ta sti' te templo yu'un Cajwaltic. Tey la yac'bey te smajt'an Dios te scojt'ol ya yich' chiq'uel, soc te smajt'an harina soc te xepuil te milbil smajt'an swenta lamal-o'tanile. Melel te scajtijib ta chiq'uel smajt'an Dios pasbil ta bronce te ay ta stojol te Cajwaltique, lom ch'in, jich ma ba ya x'och a te chic'bil smajt'an te Diose, te smajt'an harina soc te xepuil te milbil smajt'an Dios swenta lamal-o'tanile.

1 Crónicas 16:1

Te cajón yu'un te Diose la yich'ic bael ta nailpac' te bay tejc'anbil yu'un David te ja' swentail te la spase. Ora jajch' yac'beyic chic'bil smajt'an soc milbil smajt'an te Diose ta swenta seña lamal-o'tanil.