Levítico 3:3 - Bible in Tzeltal de Oxchuc y Tenejapa

³ “Te mach'a ya yic' tel te chambalam yu'un ya yac'bon jmajt'anin swenta lamal-o'tanile, ya me sc'an ya yac'bon ta jtojol swenta chic'bil jmajt'an te xepuil macal a te yutil xch'ujt' te chambalame,

Bible in Tzeltal Bachajón

³ Ta banti te milbil mahtanil scuenta lamal q'uinal, ya me ya'be Jehová scuenta chic'bil mahtanil te sjuhp'el macal sbiquil a soc te sjuhp'el ta yutil sch'uht,

Levítico 3:3 Referans Kwoze

Éxodo 29:13

Te sbiquil, sejc'ub soc te sriñone, loq'uesbeya te xepuil te balbil yu'une, chic'a ta scajtijib te jmajt'ane.

San Mateo 15:8

“Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

Éxodo 29:22

“Tsaca te xepuil tat chij te ay ta sne, te ay ta sbiquil soc ta sejc'ub, soc ta xchebal te sriñon te potsbil ta xepuile, soc te swa'el scube, melel te tat chije ja' swentail te yu'un ay mach'a ya x'och ta ch'ultesel ta sacerdoteil a.

Romanos 6:6

Jna'ojtic stojol te la yich' jijp'anel ta cruz-te' soc Cristo te jpocol jcuxlejaltique, swenta yu'un ya slajinbey yip te jmulawil jbaq'uetaltique, jich ma ba ya yabatinotic xan te mulile.

Romanos 5:5

Soc smuc'ul co'tantic ya me jmaliytic te cutsilaltic, melel te xc'uxul yo'tan te Diose, malbilix ta co'tantic ta swenta te Ch'ul Espíritu te ac'bilotiquix yu'une.

San Mateo 13:16

“Yan te ja'exe, bin nax me awutsilic, te melel ya awilic ta asitic, soc ya awaiyic stojol ta achiquinic.

Ezequiel 36:26

Ya me cac'beyex yach'il awo'tanic, ya me cac'beyex yach'il acuxlejalic. Ya me jloq'uesbeyex te awo'tanic te pajal soc tulanil ton, ya me cac'beyex awo'taninic c'unil-o'tanil.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Salmos 119:70

Ma sna'ic q'uinal ta jyalel stuquelic, te jo'one bin nax co'tan yu'un te p'ijubtesel awu'une.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Levítico 3:16

Jich te sacerdote ya me xchic' ta sba scajtijib spisil swenta chic'bil majt'anil we'elil te buen bujts'an yiq'ue. Spisil te xepuil jo'on me cu'un stuquel te Ajwalilone.

Levítico 1:8

swenta yu'un ya scajanbeyic ta sba te niwac sesenbil chambalam, te sjol soc te xepuil sbiquil ta yutil xch'ujt'e.

Levítico 1:12

Patil ya me yich' niwac sesenel te chambalame. Te sacerdote ya me yac' ta ba si' yac ta tilel ta scajtijib jmajt'an te chambalam yich'oj sesenele, soc te sjol, soc nix te xepuil ta sbiquile.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 3:4

te riñonetic yu'un, te xepuil potsol a, te xepuil ay ta sba te slomo, soc te xepuil ay ta sejc'ub te ya sc'an te pajal ya xloc' soc te riñonetic yu'une.

1 Samuel 2:15

Soc te c'alal ma to ba yich'oj chiq'uel ta scajtijib smajt'an Dios a te xepuile, ya xc'ot te yabat sacerdote. Jich ya xc'o yalbey te mach'a ya sc'an ya yac'bey te milbil smajt'an Dios: —Ac'bon ti'bal, yu'un ya jwobey sti' te sacerdote, melel ma ba ya sc'anbatix teme tac'ajemix a ya awac'beye, stseel me ya sc'anbat —xi'.

Levítico 4:10

Jich ni me te bit'il ya yich' pasel te toro ya yich' aq'uel swenta lamal-o'tanile. Jich te sacerdote ya xchic' spisil ta sba scajtijib majt'anil.

Levítico 7:5

Te sacerdote ya me xchic' ta sba te scajtijib majt'anil yu'un quich'el ta muc' jo'on te Ajwalilone. Ja' milbil majt'anil yu'un te mach'a ya yu'unin te bila ma yu'unuque.

Levítico 7:30

Ja' nix me ta mero sc'ab ya yich'bon tel te chic'bil majt'anil jo'on te Ajwalilone, ja' te xepuil stan soc nix te mero stane, swenta yu'un ya me stoyilaybon ta jtojol, jich me ya quich' jmajt'anin.

Levítico 9:10

Och xchic' ta scajtijib te xepuil, te sriñon soc te banti ay xepuil sejc'ub te chambalam la yich' milel yu'un te mulile, jich nix te bit'il albot mandal yu'un Cajwaltic te Moisese.

Levítico 16:25

Te xepuil te milbil majt'anil swenta smulic, ya me yich' chiq'uel ta scajtijib.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.