Levítico 3:17 - Bible in Tzeltal de Oxchuc y Tenejapa

¹⁷ “Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Bible in Tzeltal Bachajón

¹⁷ Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Levítico 3:17 Referans Kwoze

Génesis 9:4

Ja'uc me to, ay bi ma xju' ya awe'elinic, ja' te ti'bal te yich'oj to te xch'ich'ele, ma me xati'. Melel ja' xcuxlejal.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Deuteronomio 15:23

Ma me xju' ya alo'beyic te xch'ich'ele, malbeyaic ta lumq'uinal jichuc ja' stuquel.

Deuteronomio 12:23

Ma me xju' ya alo'beyic stuquel te xch'ich'ele, melel ja' xcuxlejal. Ja' yu'un ma ba lec teme ya alo'bey xch'ich'el, ja' nax me te sbaq'uetale.

Levítico 7:23

—Albeya te israeletic: “Ma me xju' ya slo'beyic xepuil wacax, chij soc tentsun.

Deuteronomio 12:16

Ma me xju' ya alo'beyic te xch'ich'ele, mala ta lum jichuc ja' stuquel.

Levítico 17:7

Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Levítico 6:18

Ta patil bael soc ta spisil ora, te winiquetic sts'umbal Aarón ta spisilic ya me xju' ya swe'ic ta bay c'alal ya xc'ot ta swentaic te chic'bil majt'anil cu'un jo'on te Ajwalilone. Biluc a soc mach'auc a te ya spic te majt'anile, ch'ultesbil me ya xc'ot —xi' te Cajwaltique.

Levítico 3:16

Jich te sacerdote ya me xchic' ta sba scajtijib spisil swenta chic'bil majt'anil we'elil te buen bujts'an yiq'ue. Spisil te xepuil jo'on me cu'un stuquel te Ajwalilone.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.

Deuteronomio 32:14

soc mantequilla yu'un wacaxetic, soc ya'lel xchu' yu'un sme' chijetic. La swe'ic jujp'en alal chijetic, muc'ul chijetic ta Basán, soc tat tentsunetic. Buen t'ujbilic sit trigo la sta swe'elinic; la yuch'ic vino, ja' te xch'ich'el yilel te ts'usube.

Levítico 23:14

Ja' to bi c'aalil te ya awich'ic bael te majt'anil ya awac'bonic ta jtojol jo'on te Ajwalilone, ma me xju' ya awe'ic waj, soc ma me xju' ya ac'uxic bila ch'ilbil, ni te bila stseele. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc te ya xnainexe.

Levítico 7:36

Te Cajwaltic la yalbeyix mandal te israeletic te ya yac'beyic Aarón soc te sts'umbal te c'alal bi ora ya yich'ic ch'ultesel ta stojole. Stalel me jich mandal ya xjil ta stojolic te israeletic, jich me ya yac'bey yich'ic ta cajalcaj bael ta spisil ora te sacerdoteetic, ma me ayuc bi ora ya xch'ay te smandale.

1 Timoteo 4:4

Melel spisil bila spasoj te Diose lec stuquel. Jich ma sc'an teme ay bi ya jp'ajtique, melel ma'yuc bila ma lecuc ta tuuntesel. Ja' nax ya sc'an te ya calbeytic wocol Dios yu'un te ya jtuuntestique.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

Ezequiel 44:7

Ja'ex ya aboltesic te templo cu'une, melel ya awaq'uic ochel jyanlumetic tey a. Ja'ic te ma ba yich'ojic te marca yu'un te trato cu'une, ma'yuc ta yo'tanic ni ta sbaq'uetalic yich'ojic. Ya sjinbeyic sc'oplal, melel ya awac'bonic jwe'elin te xepuil soc te xch'ich'el te milbil majt'anile. Jich ya ajinbonic a te trato cu'une, ta scaj te mero ilaybil sba awat'elique.

Nehemías 8:10

Soc jich la yalbey te Esdrase: —Baanic ta swe'el te bila mero bujts'anic ta we'ele, uch'aic chi'il vino, soc ticunbeya swe'el uuc te mach'atic ma'yuc bila xchajbanejic yu'un ya swe'ique. Melel in c'aal to q'uin ta stojol te Cajwaltique. Ma me xamel awo'tanic ta stojol, melel te yutsil q'uinal ya caiytic yu'un te Cajwaltique, ja' quiptic stuquel —la yut.

Números 19:21

Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Levítico 16:34

“Ja' in to ja' me mandal ta atojolic te ma'yuc bi ora ya xlaj sc'oplal awu'unique: jun buelta ta jun ja'wil ya apasic te bila ya yich' pasulayel ta swenta stael perdón yu'un te amulique, ja' te muliletic spasojic te alumal israele. Jich me ya xc'o awal ta stojolic —xi' te Cajwaltique. Mero jich la yich' pasel te bit'il albot yu'un Cajwaltic te Moisese.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Levítico 4:1

Te Cajwaltic la sc'opon te Moisés, jich la yalbey:

Levítico 6:22

Jich me ya sc'an te ya xchajban te muc'ul sacerdote te sts'umbal Aarón, ja' te sjelole. Te majt'anile spisil me ora jo'on cu'un stuquel, jo'on te Ajwalilone, soc mero jc'axel me ya yich' lajinel ta c'ajc' spisil.

Levítico 7:34

Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

Levítico 10:15

Te ya' te ja' swenta patanile, soc te stan te ja' ya yich' toyilayel ta stojol te Cajwaltique, ya me yich' ich'el bael ta stojol swenta smajt'an, jich bit'il te xepuil te ya yich' aq'uel yu'un ya yich' chiq'uele. Ja' in to spisil ora ja'at me awu'un soc anich'nab, jich nix te bit'il yaloj mandal te Cajwaltique —xi' te Moisese.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Levítico 23:21

“Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Levítico 24:3

Ja' me ya x'och ta swenta xchajbanel te Aarón, swenta yu'un ta sjunal ajc'ubal ya xtil ta jtojol jo'on te Ajwalilone. Ma me xcom ni junuc ajc'ubal ta tilel ta Nailpac' te banti ya quich' c'oponel, ta spat yu'un te pac' t'imil ta stojol te cajón yu'un trato. Te jmandal stalel me ya xjil, ya me xc'ax ta stojol me'il-tatiletic soc ya me xc'ax ta stojol alnich'anetic.

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Levítico 6:15

Te jtul sacerdote ya me stsac jojpuc ta sc'ab te harina ac'bil yu'un majt'anil soc te aceite yu'une, soc nix te pom ya sjoin te majt'anile, ya me yac' tiluc ta scajtijib ta chiq'uel majt'anil ta swenta sc'anel c'uxtayel ta stojol te mach'a la yaq'ue. Ja' majt'anil te bujts'an yic' ta jtojol jo'on te Ajwalilone.

Levítico 19:26

“Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Levítico 24:9

Ja' me te ya xc'ot ta swenta spisil ora te Aarón soc te patil alnich'anetic yu'une. Ya me xju' ya swe'ic te waj ta xch'ul yawil, melel te majt'aniletic ya yich' chiq'uel ta swenta quich'jibal ta muc' jo'on te Ajwalilon, ja' me te mero ch'ultesbile —xi'.

Deuteronomio 12:24

Te bila ya sc'an ya apasique, ja' te ya awaq'uic maluc ta lum jichuc ja'.

2 Crónicas 29:35

Yu'un ay bayal te chic'bil majt'aniletic, soc nix te xepuil te milbil majt'aniletic swenta seña lamal-o'tanil soc te Diose, soc te majt'aniletic vino te pajal ya yich' aq'uel soc te chic'bil majt'aniletique. Jich cha'jajch' ta ch'uunel te Cajwaltic ta templo.