Levítico 3:16 - Bible in Tzeltal de Oxchuc y Tenejapa

¹⁶ Jich te sacerdote ya me xchic' ta sba scajtijib spisil swenta chic'bil majt'anil we'elil te buen bujts'an yiq'ue. Spisil te xepuil jo'on me cu'un stuquel te Ajwalilone.

Bible in Tzeltal Bachajón

¹⁶ Te sacerdote ya schic'ticlan ta scajtajib scuenta mahtanil we'elil ya yich' chiq'uel te buen sumet yic'. Spisil te sjuhp'el ha yu'un Jehová.

Levítico 3:16 Referans Kwoze

San Mateo 22:37

Jich la yal te Jesuse: —“C'ux me x'awaiy te Cajwaltic Dios soc spisil awo'tan, soc spisil ach'ulel, soc spisil ap'ijil”, te xie.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

2 Crónicas 7:7

Te Salomón la yac' ta ch'ultesel yu'un Dios te yolilal amac' te ay ta stojol te templo yu'un te Cajwaltique. Tey la yaq'uic ta chiq'uel te majt'aniletic, soc te xepuil te milbil majt'aniletic te seña lamal-o'tanil soc te Diose. Melel ta bay scajtijib ta chiq'uel majt'anil te pasbil ta bronce, ma tic'uc ya x'och a te chic'bil majt'aniletic soc te xepuile soc te majt'aniletic harina.

Levítico 17:6

Te sacerdote ya me stsijts'anbeyic xch'ich'el ta scajtijib ta chiq'uel majt'anil cu'un jo'on te Ajwalilone, te ay ta stojol yochibal Nailpac' te banti ya quich' c'oponele, soc ya me xchic'bey te xepuil swenta chic'bil majt'anil te buen bujts'an yic' ta jtojol jo'on te Ajwalilone.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

Levítico 8:25

Te Moisés la stsacbey te xepuile, te sne, te xepuil ay ta yutil xch'ujt', soc te xepuil ay ta sba te sejc'ub, ta xchebal te sriñon soc te xepuile, soc te swa'el ya'.

Levítico 4:31

Soc ya me sloq'uesbey te xepuile, jich nix te bit'il ya yich' pasel te chambalam ya yich' aq'uel swenta milbil majt'anil swenta lamal-o'tanile. Te xepuile ya me yich' chiq'uel ta scajtijib majt'anil, te bujts'an yic' ta jtojol te Ajwalilone. Te sacerdote jich me ya stabey perdón yu'un smul te mach'a staoj smule, soc jich me pasbil perdón ya xjil a te smule.

Levítico 4:26

Soc ya me xchic'bey spisil te xepuil ta sba te scajtijib jmajt'ane, jich nix te bit'il ya yich' pasel te xepuil te chambalam ya yich' milel swenta lamal-o'tanile. Te sacerdote jich me ya stabey a te perdón yu'un smul te jwentainwanej, jich me ya yich' pasel perdón te smule.

Éxodo 29:22

“Tsaca te xepuil tat chij te ay ta sne, te ay ta sbiquil soc ta sejc'ub, soc ta xchebal te sriñon te potsbil ta xepuile, soc te swa'el scube, melel te tat chije ja' swentail te yu'un ay mach'a ya x'och ta ch'ultesel ta sacerdoteil a.

Éxodo 29:13

Te sbiquil, sejc'ub soc te sriñone, loq'uesbeya te xepuil te balbil yu'une, chic'a ta scajtijib te jmajt'ane.

2 Crónicas 29:35

Yu'un ay bayal te chic'bil majt'aniletic, soc nix te xepuil te milbil majt'aniletic swenta seña lamal-o'tanil soc te Diose, soc te majt'aniletic vino te pajal ya yich' aq'uel soc te chic'bil majt'aniletique. Jich cha'jajch' ta ch'uunel te Cajwaltic ta templo.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.

Génesis 4:4

Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.