Levítico 27:9 - Bible in Tzeltal de Oxchuc y Tenejapa

⁹ “Te sc'oplal chambalametic ya yich' aq'uel ta jtojole, jich ay: Spisil chambalam te ya yich' aq'uel ta jtojole, ch'ultesbil me ya xjil.

Bible in Tzeltal Bachajón

⁹ Teme chambahlam te ya yich' a'beyel smahtanin Jehová, spisil te hich ya yich' a'beyel te Jehová ch'ultesbil ya xc'oht.

Levítico 27:9 Referans Kwoze

Levítico 27:8

Te mach'a mero me'ba, te ma xju' yu'un yaq'uel te taq'uin chapale, ya me xba yich' alel te sacerdote, swenta yu'un ja' me ya yal xan, chican te bit'il ya xju' yu'un yaq'uel te mach'a yaloj sbae.

Levítico 27:10

Ja' yu'un ma xju' ya yich' jelel ta yan chambalam, manchuc me ja' lec, o yu'un ja' ma lecuc. Teme ay la yich' jelel, te chambalam yich'ojix aq'uele, soc te chambalam och ta sjelole, pajal me cu'un ya xjilic.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Proverbios 20:25

Ja' me syacjibal ya xc'ot te mach'a ya spas trato ta stojol te Diose, teme patil ya snop te ya sujt'es te sc'ope.

Eclesiastés 5:6

Ma xawac'bey permiso te awe te ya yac'bat ale amule. Patil ya awalbey te mach'a ticunbil yu'un Dios ta atojol, te scaj jowil c'op te jich la awale. ¿Bi yu'un ya awac' ilinuc Dios yu'un te bila ya awale, soc te ya sjin ta jc'axel te bila apasoje?

Ezequiel 48:14

Ja' in to, ja' te jsejp q'uinal te mero lec stuquel. Ma me ayuc ta banti ya xju' ya yich' chonel o jelel, ma me xju' ya xyanaj yajwal, melel ja' yu'un te Cajwaltique.

San Mateo 15:5

Yan te ja'exe jich ya awalic: “Teme ay jtul winic te jich ya yalbey te sme'-state: ‘La cac'beyix smajt'anin Dios spisil te bila ay cu'une, jich ma xju' te ya jc'uxtayexe’, te ya yute,