Levítico 27:31 - Bible in Tzeltal de Oxchuc y Tenejapa

³¹ Teme ay mach'a ya sc'an ya sujt' xan ta stojol jtebuc te jun ta slajunebale, ya xju' ya stoj te bit'il stojole, soc xan te jun ta yo'ebale.

Bible in Tzeltal Bachajón

³¹ Teme ay mach'a ya sc'an ya sman loq'uel te jun ta slajunebal, ya me yac' jun xan ta yo'ebal te stojole.

Levítico 27:31 Referans Kwoze

Levítico 27:30

“Te jun ta slajunebal te bila ya xloc' ta lumq'uinal awu'unique, chican teme trigo, o cebada, o sit te'etic, ja' me cu'un, jo'on te Awajwalone, melel ch'ultesbil cu'un stuquel.

Levítico 27:32

“Jujun ta slajunebal te chambalametic, chican teme wacaxetic, chijetic, o tentsunetic, ya me yich' aq'uel ta jtojol swenta jun ta slajunebal.

Levítico 5:16

Ja' te mach'a la sta smul ta swenta te bit'il la scom sba ta yaq'uel te bila ch'ultesbil cu'une, ya me stoj, soc ya me yac' xan jun ta jo'jo'eb te stojole. Te jayeb ya xloq'ue, ya me yac'bey ta sc'ab te sacerdote. Te sacerdote ya me stabey perdón yu'un te falta staoj te mach'a ya yac' te chij ya yich' milel yu'un te smule, jich me pasbil perdón ya xjil yu'un a te falta staoje.

Levítico 27:27

Teme ja' te chambalam te ma lecuc sc'oplal ta ti'ele, ya xju' ya xcha'manot xan sujt'el, chican te bit'il te stojol chapbil soc c'axem ta jun xan ta yo'ebal te stojol chapale. Pero teme ma ba manot xan sujt'ele, ya xju' ta chonel, jich ya yich' aq'uel te bit'il stojol chapbilixe.

2 Reyes 12:4

La sta yorail te jich la yalbey te sacerdoteetic te Joás: —Tsobaic spisil te taq'uine yu'un te smajt'an Diose te la yich'ix ich'el bael ta templo yu'un Cajwaltic, jich te bit'il ay ta swentaic yaq'uel ta juju-jtule, soc nix te spasemal yo'tanic ta juju-jtul te la yich'ic tele. C'anbeyaic te mach'atic swentainejic sq'uejel te taq'uine, swenta yu'un ya me yich' chajbanel xan ta spisil te banti chajbanel ya sc'an te templo —xi'.