Levítico 27:28 - Bible in Tzeltal de Oxchuc y Tenejapa

²⁸ “Teme ay mach'a jc'axel ya yac'bon jtebuc te bila ay yu'une: winic, ants, chambalam, q'uinal te ac'bot yu'unin yu'un te state; te bila jc'axel ya yich' aq'uel ta jtojole, ma xju' ya yich' chonel, soc ma xju' ya xcha'manot xan sujt'el. Spisil te jc'axel ac'bil ta jtojol, mero ch'ultesbil me, ja' me cu'un.

Bible in Tzeltal Bachajón

²⁸ Pero ma xhu' ya yich' chonel soc ma xhu' ya yich' manel loq'uel te bin ch'ultesbil, te jc'axel ac'bil ta stojol Jehová; ta spisil te bintic ay yu'un, teme ants-winic, chambahlam, sq'uinal te a'bibil yu'untay, spisil te bin jc'axel ac'bil ta stojol Jehová mero ch'ultesbil ta stojol Jehová.

Levítico 27:28 Referans Kwoze

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Levítico 27:21

Te c'alal ya xjil ta libre ta yorail te ja'wil swenta ainel ta libre te q'uinale, ya me xjil ta tuuntesel ta jtojol, ja' me ya yich' ta swenta te sacerdoteetic te q'uinale.

Deuteronomio 25:19

Ja' yu'un te c'alal Dios ya yaq'uex ta libre ta stojolic ta spisilic te acontroique ayic ta sjoyobal te lumq'uinal ya yac'beyex awu'uninic te Cajwaltic Diose, ya me sc'an te ya ach'aybeyic sc'oplal ta jc'axel ta lumq'uinal te sts'umbal Amalec. ¡Ma me xch'ay ta awo'tanic!

1 Samuel 15:18

Mero bayal sc'oplal te mandal yu'un te Cajwaltic la yalbat bael apase, te ya alajin te jmulawil amalequetic, te mero jc'axel ya alajin ta spisilique.

Josué 7:1

Ay jtul te ay ta swenta sts'umbal Judá, Acán sbiil. Ja' snich'an Carmi, smam Zabdi, soc ja' xcha'lamal smam te Zara. Ay biluc la stsac te albil sc'oplal te ya yich'ic jinel ta jc'axele. Ja'uc me to, spisil israeletic la smulinic ta stojol te Cajwaltique, melel Acán la stsac te biluquetic albil mandal yu'un te ya yich' jinel ta jc'axele. Ja' swentail te bayal ilin Cajwaltic ta stojolic.

Josué 6:26

Te Josué ay bila jamal la yal: —Ch'aybil me ya xc'ot ta sit Cajwaltic te mach'a ya snop ta yo'tan te ya xcha'pas xan te lum Jericó. Ya me xlaj te sba snich'an te bi ora ya yac'bey yiptajibe, soc te bi ora ya snajc'anbey spuertail te sts'ajq'ue, ya me xlaj te ijts'inale —xi'.

Números 18:14

Spisil te bitic ya yac'bonic cu'unin te israeletic, ja' me awu'un te ja'ate.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Jueces 21:18

Te jo'otique ma xju' ya cac'tic xnujbinic soc cantsil-nich'nabtic, melel jpisiltic jo'otic te israelotic, calojtic ta jamal te boloben me sc'oplal te mach'a ya yac'bey yiname te benjaminetique —xiic.

Jueces 21:5

La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Josué 7:25

Te Josué la yalbey: —¿Bi yu'un te la awich'botic tel woclajel ta jtojoltic? Ta ora yo'tic te Cajwaltic ja' me ya yac' c'otuc ta awenta te woclajel te la awich'botic tele —xi'. C'alal laj yo'tan ta yalel, spisil te israeletic la smilic ta ch'ojel ta ton te Acán soc te mach'atic ay yu'une. Ta patil la xchiq'uic,

Levítico 27:27

Teme ja' te chambalam te ma lecuc sc'oplal ta ti'ele, ya xju' ya xcha'manot xan sujt'el, chican te bit'il te stojol chapbil soc c'axem ta jun xan ta yo'ebal te stojol chapale. Pero teme ma ba manot xan sujt'ele, ya xju' ta chonel, jich ya yich' aq'uel te bit'il stojol chapbilixe.

Levítico 27:29

Soc ja' nix jich ma xju' ya xcha'manot xan sujt'el te mach'a chapalix yu'un te ya xlaje, puersa me jich ya xlaj a.

Deuteronomio 7:26

Ja' yu'un ma me x'awich'ic bael ta anaic te bila ilaybile, swenta yu'un ma ba ya awich'ic lajinel a, melel ja' me ay ta swenta lajel stuquel. Ja' yu'un ya me sc'an te ilaybiluc awu'unique.

Ezequiel 44:29

Ya me xju' ya swe'ic te trigo o cebada ya yac'bonic te israeletique, soc te chambalametic ya yich'ic milel yu'un mulil soc te majt'anil yu'un te falta staojique. Ta spisil te bi ch'ultesbil ya yac'bonic te israeletique, ja' me yu'unic stuquelic.

Ezequiel 48:14

Ja' in to, ja' te jsejp q'uinal te mero lec stuquel. Ma me ayuc ta banti ya xju' ya yich' chonel o jelel, ma me xju' ya xyanaj yajwal, melel ja' yu'un te Cajwaltique.

Levítico 21:22

Ya xju' ya swe' te waj cu'une, pajal sc'oplal te ch'ultesbil, soc te mero ch'ultesbile,

2 Crónicas 31:14

Te mach'a ya scanantay te yochibal templo te ay ta sloq'uib c'aal te Coré sbiil, te snich'an Imna, ja' swentainej te majt'anil te la yaq'uic ta spasemal yo'tanic ta swenta Dios te israeletique, soc ay ta swenta te ya yich' puquel te majt'anil ta swenta Cajwaltic soc te bitic ch'ultesbil ta stojol te Diose.