Levítico 27:25 - Bible in Tzeltal de Oxchuc y Tenejapa

²⁵ “Ta spisil te jayeb ya xc'ote, puersa me ja' ya yich' p'isel te siclo te jtab gera yich'oje, melel ja' sp'isol yalal yu'un te ch'ul awilal.

Bible in Tzeltal Bachajón

²⁵ Spisil te cuentahetic yac apas, ha yac atuhun te siclo yu'un te ch'ul awilal; te siclo ha jtahb gera.

Levítico 27:25 Referans Kwoze

Éxodo 30:13

Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

Números 18:16

Te taq'uin ja' me ya yich' tojel a te junix u yayinel, jo'sejp me plata jich bit'il p'isbil yalal juju-jsejp ta ch'ul awilal, te bulucheb gramo te yalale.

Números 3:47

c'anbeya spatanic, jo'sejp plata juju-jtul, jich nix te bit'il chapalix sp'isol yalal ta ch'ul awilal te bulucheb gramo yalal te juju-jsejpe.

Ezequiel 45:12

“Ja' nix jich te sp'isol yalale: jtab geras pajal soc jun siclo yu'un bulucheb gramo. Oxwinic (60) siclos pajal soc jun mina.

Levítico 27:3

Teme winic, jtab ya'wilal c'alal ta oxwinic (60) ya'wilale, ya me awac'bey stoj lajuneb yoxwinic (50) ta jsejp plata, chican te bila sp'isol chapbil ta ch'ul awilal.

Éxodo 38:24

Spisil te oro te tuun ta pasel a te Nailpac' Templo, ja' te majt'anil oro la yaq'uic te lum ta stojol Cajwaltic, loc' ta spisil jteb ma loq'uemuc jmil kilo te yalale, (965 kilo soc 30 gramo), jich bit'il albil sc'oplal te sp'isol yalal ta ch'ul awilal.

Levítico 27:24

Ta yorail te ja'wil swenta ainel ta libre, te q'uinal ya me xcha'sujt' xan ta swenta te mach'a la xchone, ja' te mach'a yu'un ta neelal toe.

Números 7:67

Jich nix yipal la yac' te bit'il te yantique.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.