Levítico 27:21 - Bible in Tzeltal de Oxchuc y Tenejapa

²¹ Te c'alal ya xjil ta libre ta yorail te ja'wil swenta ainel ta libre te q'uinale, ya me xjil ta tuuntesel ta jtojol, ja' me ya yich' ta swenta te sacerdoteetic te q'uinale.

Bible in Tzeltal Bachajón

²¹ Te c'alal ya xhil ta libre ta yorahil te ha'bil yu'un hilel ta libre, ch'ultesbil ya xc'oht te q'uinal ta stojol Jehová, hich te bin ut'il q'uinal te jc'axel ac'bil; ha yu'un te sacerdotehetic ya xc'oht.

Levítico 27:21 Referans Kwoze

Ezequiel 44:29

Ya me xju' ya swe'ic te trigo o cebada ya yac'bonic te israeletique, soc te chambalametic ya yich'ic milel yu'un mulil soc te majt'anil yu'un te falta staojique. Ta spisil te bi ch'ultesbil ya yac'bonic te israeletique, ja' me yu'unic stuquelic.

Números 18:14

Spisil te bitic ya yac'bonic cu'unin te israeletic, ja' me awu'un te ja'ate.

Levítico 25:31

Pero te naetic ayic ta lumetic te ma joybiluc ta ts'ajq'ue, ja' nix me jich sc'oplal ya xjil te bit'il te q'uinaletique. Ya me xju' ya yich' xan manel sujt'el yu'un te yajwale. Ya me xjil ta libre ta yorail te ja'wil swenta ainel ta libre.

Levítico 25:28

Pero teme ma ba ju' yu'un stsobel jich yipal ya xtuun yu'un, te ya xcha'man xan sujt'el ta stojol te bila ja' yu'un ta neelal toe, ya me xjil ta stojol te mach'a la smane, ja' to teme la sta yorail te ja'wil swenta ainel ta libre, ja' me ta yorail a te ya xjil ta libre te bila chonbile. Te mach'a la xchon, ya xcha'sujt' xan ta stojol.

Levítico 25:10

Ta slajunebal yoxwinic (50) ja'wil ya me awalic ta jamal te ja' te ch'ul ja'wil swenta ainel ta libre. Ya me apuquic ta alel ta stojol spisil te yajwal lumq'uinal te ja' yorail ainel ta libre. Spisil winiquetic ya me xcha'sujt' xan bael ta yolil mach'atic ay yu'un, soc ya me sujt' xan bael ta yich'el te sq'uinalique.

Esdras 10:8

Ta spisil te mach'atic ma ba ya xc'otic te ya yich'ic maliyel oxeb c'aale, la xchapic te jwolwanejetic soc te jtojteswanejetique te ya me yich'ic ich'el te q'uinal yu'unique soc ya me yich'ic loq'uesel bael ta stojolic te mach'atic sujt'emic tel te ac'bot yijq'uitay slumalique.

Josué 6:17

Ta spisil te bitic ay yu'un te lume, pajal me ya yich' lajinel ta jc'axel, melel jich yaloj mandal te Cajwaltique. Ja' nax me ya awac' cuxinuc stuquel te jmulawil ants Rahab soc spisil te mach'atic snac'oj sbaic ta snae, melel te antse la snac' te jtsajtaywanejetic la jticuntique.

Deuteronomio 13:17

“Ma me ayuc ya awich'ic jilel te bitic ayic ta swenta lajel, jich me ma'yuc bi ora ya x'ilin ta atojolic a te Cajwaltique. Ya me sna'beyex yo'bolil abaic, ya me yac' esmajuquex, jich nix te bit'il jc'axel yalojbey te antiguo ats'umbalique,

Levítico 27:20

Pero teme ma ba la xcha'yich' xan ta stojole, teme la yich' chonel yan winic, ma xju' ya xcha'sujt'ix ta swenta te sq'uinale.

Levítico 27:22

“Teme ay mach'a ya yac'bon te smanbil q'uinale, te ma ja'uc te ac'bot yu'unin yu'un te state,